Worklečan zamołwitosć za hrajne zjednoćenstwo přewzał
Njebjelčicy. Koparske popołdnjo před njedźelomaj bě cyle w zmysle domjacych fanow. Nowowutworjene hrajne zjednoćenstwo SJ Njebjelčicy II/DJK Sokoł Ralbicy Hórki II/ST Marijina hwězda II swjećeše zasłužene derbyjowe dobyće 3:2 přećiwo hrajnemu zjednoćenstwu Zeleno-běli Halštrow II/Hlinowski SC II. Za zjednoćenstwo bě to zdobom prěnje dobyće w tutej konstelaciji. Za wuspěchom na trawniku tči muž na kromje hrajnišća, kiž je tele wosebite wužadanje přiwzał. Je to Robert Šołta. Worklečan steji jako nowy šeftrenar při pobóčnej liniji a je mjezwočo tutoho dynamiskeho wuwića.
Trenar hłuboko w towarstwje zakorjenjeny
