Pětrohród (dpa/SN). Ruska je zwólniwa, trilateralne rozmołwy z USA a Ukrainu w nowembrje pokročować. To je ruski prezident Wladimir Putin wosebitemu pósłancej USA Stevej Witkoffej na wčerawšim tři hodźiny trajacym zetkanju w Pětrohrodźe připrajił, kaž ruska powěsćernja Interfax zdźěli. Wonkownopolitiski poradźowar Putina Jurij Ušakow mjenowaše 10. nowember jako móžny datum. Zeńdźenje móhło so w stolicy Zjednoćenych arabskich emiratow, Abu Dhabiju, wotměć.

Tumor bamža cyle wotstronili

Rom (dpa/SN). Po wutornišej operaciji na raka płucow schorjeneho bamža Leja XIV. informuja zamołwići lěkarjo kliniki Gemelli w Romje, zo su tumor dospołnje wotstronili. Přepytowanja po operaciji wobkrućeja, zo njebě so šěršo w płucach rozpřestrěł. Dalša terapija njeje trěbna, pisaja w onkologiskim posudku. Při operaciji běchu jedyn z dohromady pjeć dźělow płucow wotstronili.

Heuer nochce žurlu wopušćić