Ingolstadt (dpa/SN). Awtotwarc Audi ma w lětušim třećim kwartalu wulke ćeže z dobytkom. Předewzaće drje hišće čerwjene ličby njepisa, tola dźowka koncerna VW je jenož 95 milionow eurow dobytka přizjewiła. To je dohromady 87 procentow mjenje hač lěto do toho, jako měješe Audi 718 milionow eurow dobytka. Koncern nětko swoju prognozu za cyłe lěto přiměri. Hižo nětko pak hodźi so rjec, zo štwórty kwartal tak špatny njebudźe kaž třeći.

W oktobrje mjenje bjezdźěłnych

Kamjenica (dpa/SN). Ličba bjezdźěłnych w Sakskej je w oktobrje lochce woteběrała. Přiwšěm pak je to najwyša kwota za měsac oktober w minjenych dźesać lětach. Naposledk bě w swobodnym staće něhdźe 152 400 ludźi bjezdźěłnych. To bě něhdźe 1 140 mjenje hač w septembrje, regionalna direkcija Zwjazkoweje agentury za dźěło w Kamjenicy informuje. Kwota bjezdźěłnosće wučinja 7,1 procent.

Wjelk dźěćo nadpadnyło