Analysća wěšća republikanam słabe wuslědki w mjezywólbach w USA

Washington (dpa/SN). Miliony Američanow dźensa w t. mj. Midterms wo přichodnej zestawje parlamenta we Washingtonje wothłosuja. 435 sydłow w Domje reprezentantow a něhdźe třećina wot dohromady 100 sydłow w ameriskim senaće ma so znowa wobsadźić. Dotal su republikanojo prezidenta USA Donalda Trumpa snadnu wjetšinu we woběmaj komoromaj kongresa měli. Po měnjenju wólbnych analystow něštožkuli na to pokazuje, zo móhli nětko demokraća skrućeni z wólbow wuńć. Přičina toho je tuchwilu w ludźe mało woblubowany prezident. Prěnje wuslědki wočakuja po srjedźoeuropskim času dźensa w nocy.