Berlin (dpa/SN). Zwjazkowy prezident Awstriskeje Alexander van der Bellen je napominał, zo mamy z mortwych swětoweju wójnow to prawe za čłowjeski swět dźensa nawuknyć. „Generacije, kotrež nam naslěduja, nimaja wosobinskeje winy na přeńdźenjach swojich prjedownikow“, rjekny wón wčera na centralnym wopominanskim zarjadowanju na ludowym dnju žarowanja w zwjazkowym sejmje. Dale praji: „Ale z toho njeslěduje, zo nas zašłosć ničo njestara. Nawopak, smy za to zamołwići, što z njej wuknjemy, kak so dźensa zadźeržimy, kak ludźi podpěramy, kajkemu přichodej puć rubamy.“ Na zarjadowanju Ludoweho zwjazka za hladanje němskich rowow sej Van der Bellen sobučuće žadaše. Tohorunja mamy čłowjeskosć zakitować: „Njedopušćmy, zo bywa firnis našeje ciwilizacije ćmowy.“ Z wšelakosće njesměła so hida stać a z hidy žana namóc. „Prócujmy so wo to, zo zwostawa naša domizna Europa městno, na kotrymž móžemy měrliwje, swobodnje a dostojnje žiwi być. Nic jenož za nas, ale tež za tych, kotřiž nas naslěduja.“





