Budyšin (SN/BŠe). We wobłuku hospodarskeho plana za lěće 2027/2028 maja wokrjesni radźićeljo 30. nowembra wo změnach strukturow Budyskeje wokrjesneje hudźbneje šule wothłosować. Wuběrk za socialne, kubłanje, kulturu a serbske naležnosće je temu hižo wobjednawał. Minjeny tydźeń póndźelu je potom staršim krótka informacija wo změnach z přispomnjenjom dóšła, so prašenjow wzdać a dalše informacije wočaknyć, kotrež prawdźepodobnje w decembru dóstanu. Za mnohich staršich je tele postupowanje njezrozumliwe a njetransparentne. Prašenje dźě za mnohich tež je, hač so po rozsudźe wokrjesneho sejmika jich wobmyslenja docyła hišće wobkedźbuja.





