Hižo třeći raz je Arabsko-Němski kruh literatury (ArDeLit), kotryž wot lěta 2016 wšelake dwurěčne čitanja w Münsteru organizuje, serbskeho spisowaćela abo serbsku spisowaćelku přeprosył. W lěće 2021 bě Benedikt Dyrlich a 2024 Měrana Cušcyna z hosćom we westfalskim měsće. Lětsa su sej Róžu Domašcynu přeprosyli, zo by basnje ze swojeje zběrki „Unterm weißleinenen tuch“ recitowała.
Štwórtk, 12. nowembra, přichwata něhdźe 20 zajimcow k małemu jewišću uniwersity Münster. Po němsko-serbskim witanju Georga Schaafa (ArDeLit) a Katje Meyeroweje předčita Róža Domašcyna na wurazne a čućiwe wašnje swoje basnje wo serbskej domiznje a rěči. Přeco zaso spleće serbsku a němsku rěč. Němscy připosłucharjo su tak wobsah basnjow rozumili.





