Sobustawojo krajneho hrajneho wuběrka Sakskeho wolejbuloweho zwjazka (SSVB) su we wothłosowanju z prezidentom Wolfgangom Söllnerom wo dalšim wudźeržowanju organizowaneho wolejbuloweho sporta za dorosćenych rozsudźili. A to płaćeše wot 15. nowembra, znajmjeńša tak dołho, doniž njebu nowa koronowa škitna naprawa wo­zjewjena.

We wšitkich za sport relewantnych zarjad­nišćach płaćeštej „prawidło 2G“ + winowatosć zwěsćenja kontaktow. Negatiwny test njebě dosahacy. Potrjechene běchu wšitke sportowe zarjadowanja a poskitki wonka a w nutřkownych rumnosćach tež w tajkich, kotrež su pri­watnje a zjawnje přistupne. Za dźěći hač do 16 lět to njepłaćeše.

Kopańca, regionalna liga muži

Hertha BSC II – Halberstadt  3:0 (3:0)

Jena – Berlinski AK2:0 (1:0)

Babelsberg – Tasmania Berlin 2:0 (0:0)

Rathenow – Altglienicke 2:4 (0:3)

Chemija Lipsk – Eilenburg 2:1 (1:0)

BFC Dynamo – Lok Lipsk 1:2 (0:1)

Borussia Berlin – Kamjenica 1:2 (0:2)

Lichtenberg – Meuselwitz 1:1 (0:0)

Luckenwalde – Choćebuz 2:3 (0:2)

Auerbach – Fürstenwalde wupad

1. BFC Dynamo 20 47 : 19 45

2. FC Energija Choćebuz 20 50 : 18 41

3. Berlinski AK 20 34 : 22 41

4. FC Carl Zeiss Jena 20 39 : 19 40

5. Lok Lipsk 19 41 : 17 39

6. VSG Altglienicke 20 37 : 23 38

7. Kamjeničanski FC 20 34 : 21 34

8. SV Babelsberg 20 29 : 22 34

9. Tennis Borussia Berlin 20 31 : 28 30

10. FSV 63 Luckenwalde 19 30 : 16 29

11. BSG Chemija Lipsk 20 20 : 24 25

12. Hertha BSC II 20 30 : 31 24

13. SV Lichtenberg 47 20 24 : 32 21

14. ZFC Meuselwitz 20 22 : 31 21

15. Germania Halberstadt 20 24 : 39 19

16. SV Tasmania Berlin 20 16 : 44 16

17. Optik Rathenow 20 22 : 38 14

18. Union Fürstenwalde 19 27 : 53 13

19. FC Eilenburg 20 19 : 46 12

20. VfB Auerbach 19 21 : 54 12

Koparjo ST Marijineje hwězdy w času po politiskim přewróće (2. dźěl a kónc)

Naspomnił sym hižo dobre dorostowe dźěło towarstwa. Wuprajam wšitkim nazwu­čowarjam a staršim, kotřiž swój wólny čas na dobro dźěći wopruja, wutrobny dźak. Tule někotre wurjadne wuslědki hrajnych dobow:

1993/1994 E-młodźina  wokrjesny mišter

1993/1994 B-młodźina  pokal wokrjesa dobyła

1994/1995 B-młodźina  wokrjesny mišter

1995/1996 A-młodźina  wokrjesny mišter

1997/1998 C-młodźina  wokrjesny mišter

1998/1999 B-młodźina  wokrjesny mišter

2008/2009 B-młodźina  wokrjesny mišter

Wopon klóštra logo towarstwa

Dalše podawki ze žiwjenja towarstwa (wotrjad kopańca): W decembru 1990 roz­sudźi so wjetšina na zhro­madźiznje towarstwa za nowe mjeno: ST Marijina hwězda. Abatisa klóštra Benedikta Wawri­kec zdobom přizwoli, zo smě towarstwo jeje wopon jako logo wužiwać.

2000  Towarstwo dósta nowe twjerde hrajnišćo, kotrež drje měješe minimalne měry, ale bě dobra alternatiwa za zymski čas. To bě móžno, dokelž bu trawnik wo někotre metry na wuchod přepołoženy.

2000/2001 Marijina hwězda bě najfairniši cyłk sezony (20 žołtych kartow, žanu žołto-čerwjenu abo čerwjenu).

Holcy a hólcy 9. do 11. lětnika Serbskeho gymnazija Budyšin (SGB) dobychu w Biskopicach wolejbulowe wokrjesne finale šulerskeho wurisanja „Młodźina trenuje za olympiju“, kotrež pak je nětko za wšitke dalše tři starobne skupiny koronapandemije dla wotprajene.

Srjedź nowembra započachu so w Budyskim wokrjesu šulerske wurisanja we wo­lejbulu pod hesłom „Młodźina trenuje za olympiju“. Ale jeničce starobna skupina II (9. do 11. lětnik) móžeše swojeho do­byćerja při wysokim saku postajić. Hi­žo­ tydźeń pozdźišo su wšitke wubědźowanja na polu sporta hač do hód wotprajili, dokelž je ličba natyknjenjow z korona­wirusom razantnje přiběrała. Tak bě so systematiski přihot šulerjow Serbskeho gymnazija Budyšin na pjatkownišich AG-jach jeno za dźěl wolejbulistow wudanił.

W Biskopicach započa so turněr holcow z partiju SGB přećiwo Melanchthonowemu gymnazijej Budyšin, kotraž so z jasnym 25:9 a 25:12 skónči. Bě to nje­runy duel, dokelž běchu serbske holcy technisce a atletisce wo wjele lěpše. Tež Goethowemu gymnazijej Biskopicy poradźi so wuspěch 2:0 přećiwo Melanchthonowemu.