Pokiwy (20.01.16)
Wo mjeńšinowej rěči
Budyšin. Zjawny přednošk wotměje so jutře, 21. januara, w 14 hodź. w Budyskim Serbskim instituće. Pod hesłom „Teritorialna awtonomija a legitimacija mjeńšinowych rěčow w federalnych systemach: Rozdźělna praksa we Łužicy a w katalanskich statach“ porěči Jean-Rémi Carbonneau. Referent z uniwersity w kanadiskim Quebecu je specialist za mjeńšinopolitiske prašenja we wjacorych zapadnych krajach. Na přikładźe Łužicy a katalanskich krajow wón pokaza, kak rozdźělnje móže so federalny system statow na ćežki proces připóznaća mjeńšinopolitiskich žadanjow wuskutkować.
Předstaja knihu
Pokiwaj (19.01.16)
Jutře na „hłownu“
Pančicy-Kukow. Čłonojo Domowinskeje skupiny njech njeskomdźa jutře, srjedu, hłownu a wólbnu zhromadźiznu swojeje skupiny. Wona budźe w rumnosći nad wohnjowej woboru na klóšterskim dworje a započnje so w 19 hodź. Na programje steja nimo rozprawy wo lońšim lěće wólby noweho skupinskeho předsydstwa. Při škleńcy horceho wina wobhladaja sej na to film Alfonsa Kuringa wo Kukowskim mejemjetanju.
Informuja šulerjow a staršich
Worklecy. Serbska wyša šula „Michał Hórnik“ Worklecy přeprošuje wšitkich šulerjow noweho 5. lětnika a jich staršich na informaciski wječor do šule, a to štwórtk, 21. januara, we 18 hodź. Tón wječor chcedźa tam předstajić koncept šule a cyłodnjowske poskitki. Fachowi wučerjo rady na prašenja wopytowarjow wotmołwjeja a wo dwurěčnej fachowej wučbje informuja.
Pokiwy (15.01.16)
Za cyłu wosadu
Salow. Towarstwo Bratrowstwo přeproša cyłu Kulowsku wosadu njedźelu, 17. januara, po serbskim nyšporje na swójbne popołdnjo w Salowskim kulturnym domje. Na wopytowarjow čaka zabawa za dźěći, staršich, dźědow a wowki. Po nyšporje w Salowskej kapałce w 14 hodź. budźe na žurli bjesada při kofeju a čaju, za čož njech maćerje tykanc sobu přinjesu. W 16 hodź. zahraje NSLDź hru „Dźěći kralow“. Zastup za dźěći płaći towarstwo, dorosćeni płaća wosom eurow.
Předstaja knihu
Budyšin. „Druhé světy“ rěka antologija z bajkami, basnjemi, esejemi a dalšimi tekstami Róže Domašcyneje, kotruž je Milan Hrabal wudał. Knihu předstajitaj awtorka a wudawaćel štwórtk, 21. januara, w 19.30 hodź. w Budyskej Smolerjec kniharni. Čitać budźetaj Domašcyna a Hrabal w serbskej a čěskej rěči. Kniha je wušła z přećelnej podpěru Čěsko-němskeho přichodoweho fondsa a města Varnsdorfa. Na bohaty wopyt wjesela so Smolerjec kniharnja, towarstwo Přećeljo Smolerjec kniharnje a Varnsdorfska měšćanska knihownja.
Pytaja kandidatku
Maćična akademija wo Krabaće
Na wosebity koncert spočatk lěta přeproša pianistka Heidemarja ...
Protyka (15.01.16)
Pjatk 15.1. 19:30 Ptačokwasny program SLA w Hochozy
Sobotu 16.1. 14:00 Halowy koparski turněr wo pokal Towarstwa Cyrila a Metoda w Chróšćanskej „Jednoće“
16:00 Swójbne předstajenje dźěćaceho ptačokwasneho programa SLA na žurli SLA
19:00 Jolka-swjedźeń w Nuknicy
19:30 Wosebity koncert Heidemarje Wiesnerec k nowemu lětu na žurli Budyskeho Serbskeho muzeja
19:30 Kapičkowy wječor Kulowskeho karnewaloweho towarstwa w sportowni
Njedźelu 17.1. 16:00 Ptačokwasny program SLA w Nowej Niwje
14:00 Swójbne popołdnjo Bratrowstwa w Salowje
Póndźelu 18.1. 8:30 Premjera dźěćaceho ptačokwasneho programa SLA „Hawron Hawštyn“ w Budyskim NSLDź
Wutoru 19.1. 8:30 Dźěćacy ptačokwasny program SLA w Budyskim NSLDź (dalše předstajenje w 10:30)
Srjedu 20.1. 8:30 Dźěćacy ptačokwasny program SLA w NSLDź
19:00 Hłowna zhromadźizna Domowinskeje skupiny Pančicy-Kukow w rumnosći nad wohnjowej woboru na klóšterskim dworje
Štwórtk 21.1. 8:30 Dźěćacy ptačokwasny program SLA w Budyskim NSLDź (dalše předstajenje w 10:30)
Rozhłós (15.01.16)
Njedźelu, hornjoserbsce
11:00 Łužica tutón tydźeń, mjez druhim wo jolka-swjedźenju
11:20 Dorost za serbske kulturne institucije
11:45 Europska kulturna stolica Wrócław a serbske styki
12:00 Nabožne wusyłanje
(Jan Malink)
po tym Zbožopřeća
delnjoserbsce
12:30 Aktualny magacin, mjez druhim wo předsydstwje župy Delnja Łužica
13:00 Wěrnosć wo dźiwich swinjach
13:30 Nabožne wusyłanje
(Helmut Kurjo)
po tym Zbožopřeća
Do kina (14.01.16)
14.1.2016–20.1.2016: The Revenant – Der Rückkehrer: wšědnje 19:15 hodź. | pj a so 21:30 hodź. Gut zu Vögeln: wšědnje 17 a 19:30 hodź. | pj a so 22:30 hodź. Bibi & Tina – Mädchen gegen Jungs: nj 15 hodź. Disney-Junior: nj 15 hodź. Ich bin dann mal weg: wšědnje 16:30 hodź. (nimo pó) a 18:30 hodź. (nimo pó) | nj 17:15 hodź. | pó 17 hodź. Star Wars: Das Erwachen der Macht: pj, so, nj a wu 14:30 hodź. Unfriend: wšědnje 20:30 hodź. (nimo pó) | pj a so 22:30 hodź. Star Wars: Das Erwachen der Macht w 3 D: wšědnje 16:15 hodź. (nimo nj) a 19:15 hodź. | pj a so 22 hodź. Die Peanuts: pj, so a wu 14:15 hodź. Die Peanuts w 3 D: nj 12:30 hodź. | nj a wu 17:15 hodź. Heidi: pj, so, nj a wu 14:15 hodź. Hilfe, ich hab meine Lehrerin geschrumpft: pj, so a wu 14:45 hodź. Joy – Alles außer gewöhnlich: nj 12:30 hodź. Der kleine Prinz: nj 12 hodź. Bruder vor Luder: štw, pj, so a srj 17:15 hodź. Er ist wieder da: nj 12 hodź.
Kino-ekstra: Macbeth: pó 17:15 a 20:15 hodź.
Pokiwy (13.01.16)
Socialne poradźowanje
Budyšin. Jutře, 14. januara, přeprosy zapósłanc Sakskeho krajneho sejma a Hajko Kozel (Lěwica) na socialne poradźowanje do wobydlerskeho běrowa Lěwicy na Budyskej Šulerskej. Zhromadnje z prawiznikom Gregorom Janikom, kiž je w socialnym prawje wosebje wobhonjeny, pomha wón při rozrisanju problemow, kotrež so husto w socialnych prašenjach jewja. To nastupa wosebje naležnosće Hartza IV. Poradźowanje započnje so w 14 hodź. a hodźi so tež w serbskej rěči přewjesć. Termin dojednać móža sej zajimcy pod telefonowym čisłom 03591/ 31 89 904.
Socialna rěčna hodźina
Wojerecy. Wo socialnych prašenjach poradźować chcetaj pjatk, 15. januara, wot 15 do 17 hodź. wokrjesny radźićel Ralph Büchner a prawiznik Gregor Janik we Wojerowskim běrowje Lěwicy na Bonhoefferowej 4. Nimo informacijow wo socialnopolitiskich zaměrach Lěwicy nazhonja zajimcy tohorunja pomoc w prašenjach kołowokoło Hartza IV. Termin dojednać móžeće sej pod telefonowym čisłom 03578/ 787 339.
Nowa wustajeńca
Pokiwy (08.01.16)
Swjedźeń z dźiwadłom
Sulšecy. Towarstwo Bratrowstwo přewjedźe jutře, sobotu, w 19 hodź. swój lětny swjedźeń w Sulšečanskim kulturnym domje. Tam změje hra „Hdyž kokula woła“ dźiwadłoweje skupiny Bratrowstwa premjeru. Přizamknu so reje. Čłonojo Bratrowstwa njech tónle wjeršk towarstwoweho skutkowanja njeskomdźa.
Prěni raz na žurli
Kamjenc. Rjad lětušich kulturnych podawkow w Kamjencu zahaji Nowa Łužiska filharmonija njedźelu, 10. januara, w 16 hodź. ze swojim nowolětnym koncertom. Prěni raz wotměje so tónle koncert na swjedźenskej žurli hotela „Město Drježdźany“. Zastupne lisćiki dóstanu zajimcy w Kamjenskej informaciji kaž tež w hotelu „Město Drježdźany“.
Forum wo demonstraciji
