Pytaš nowe a wotměnjawe wužadanje? Dźěłaš rady z ludźimi, maš swójsku iniciatiwu a dobre organizatoriske kmanosće?
Da sy pola nas na prawym městnje.
W lektoraće za powšitkownu a wědomostnu literaturu pytamy
ručež móžno
sekretarku (m/ž/d).
Kotre nadawki na tebje čakaja?
- wjedźenje, aktualizowanje a archiwowanje aktow, zrěčenjow, planowych a dalšich podłožkow
- koordinowanje terminow a dohladowanje terminow za płaćenje honorarow
- wuwjedźenje korekturow w manuskriptach w hornjoserbskej, delnjoserbskej a němskej rěči
- digitalizowanje manuskriptow
- kontrola konwertěrowanych manuskriptow za e-booki
- powšitkowne sekretariatne nadawki a korespondenca
Što wot Tebje wočakujemy?
- maš powołanske wotzamknjenje jako běrowowa překupča abo přirunajomne resp. wjelelětne nazhonjenja na tutym polu
- wobknježiš pisomnu a ertnu hornjoserbšćinu a němčinu jara derje
- wobknježiš programy Microsoft Office pakćika a maš zamóžnosć, so do specifiskeho programa zadźěłać
- maš zajim za serbsku literaturu
- maš jara dobre organizatoriske kmanosće, swójsku iniciatiwu a socialnu kompetencu
- maš jězbnu dowolnosć klasy B
Što ći skićimy?
- wotměnjawe dźěłowe městno w přećelnym a nazhonitym teamje w Budyšinje
- atraktiwnu mzdu a 30 dnjow dowola wob lěto
- fleksibelny dźěłowy čas, dźiwajo na potrjeby swójbow kaž tež móžnosć mobilneho dźěła
- dołhodobnu perspektiwu a móžnosć dalšeho wukmanjenja
Dźěłowy wobjim wučinja 29 hodźin wob tydźeń. Zwyšenje dźěłoweho wobjima je w mjezsobnym dorozumjenju a po přewzaću dalšich nadawkow móžno.
Maš-li zajim, požadaj so pola nas z digitalnymi podłožkami hač do 15. oktobra 2023!
Maš-li prašenja, zazwoń na nas abo napisaj nam mejlku.
Ludowe nakładnistwo Domowina | jednaćel Syman Pětr Cyž |
Sukelnska 27 | 02625 Budyšin | tel. 03591/577-241
