Wědomostnica z njeparujomnej akribiskosću

póndźela, 09. meje 2016
artikl hódnoćić
(0 )
 Dr. habil. Sonja Wölkowa Hanka Šěnec, SI Dr. habil. Sonja Wölkowa Hanka Šěnec, SI

Naju kolegina, rěčespytnica dr. Sonja Wölkowa, swjećeše wčera 60. narodniny. Serbam je wona drje wosebje jako jedna z třoch awtorkow rěčnych kućikow w serbskim rozhłosu znata.

Zajim za rěč, přirodne začuće za rěčne nuansy kaž tež žortna žiłka běchu ju­bilarce prawdźepodobnje hižo do kolebki połožene, wšako bě jeje nan, dr. Frido Michałk, w tu- a wukraju připóznaty serbski rěčespytnik tehdyšeho Instituta za serbski ludospyt w Budyšinje. Spó­znawši talent swojeje dźowki wón jej radźeše, so na studij slawistiki do Pólskeje podać. Po nawróće dźěłaše Sonja Wöl­kowa jako wědomostna sobudźěłaćerka w Centralnym instituće za rěčespyt Akademije wědomosćow­ NDR w Berlinje, hdźež wona 1989 wo hornjoserbskej frazeologiji promowowaše. Serbska frazeologija wosta­ tež po tym jeje „konik“. Tak wo­zjewi hromadźe z ukrainskim kolegu Anatolijom Ivčenkom w lěće 2004 tro­jorěčny serbsko-němsko-ruski „Hor­njoserbski frazeologiski słownik“, kiž žně­ješe w fachowym wobłuku wulke připóznaće­ ­ a kotryž­ so rady wužiwa.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND