Filmowcy intensiwnje wuradźowali

štwórtk, 12. meje 2016
artikl hódnoćić
(0 )

Žitawa/Großhennersdorf (SN/CoR). Kak dale z łužiskim a serbskim filmom? Po zahajenju 13. nysoweho filmoweho festiwala wutoru w Žitawskim Gerharta Hauptmannowym dźiwadle schadźowachu so wčera łužiscy filmowcy na cyło­dnjowskej dźěłarničce w zetkawanskim centrumje Großhennersdorf, zo bychu so intensiwnje z tymle prašenjom zaběrali. Lětuše tematiske ćežišćo Nysoweho festiwala su mjeńšiny, a tak wěnuja so Serbam z wjacorymi zarjadowanjemi. Wčerawša dźěłarnička bě zdobom druhe zetkanje loni na Choćebuskim filmowym festiwalu załoženeje syće za łužiski film. Mjez wjace hač dwaceći zajimcami běchu awtor znateju filmow „Struga“ a „Rublak“ Konrad Herrmann kaž tež zastupjerki Załožby za serbski lud.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND