Wustajeja derje „třělane“ motiwy swojeje domizny

póndźela, 08. awgusta 2016
artikl hódnoćić
(0 )
Silwija Panošina (naprawo) zwurazni jako hosćićelka wutrobne słowa dźaka za wo bohaćenje pokazki Serbskeho kulturneho centruma z fotami Wótrotřělcow. Jich předsydka Monika Frenzel (nalěwo) zaso hódnoćeše móžnosć, wuslědki fotografowanja skupiny směć w Slepom pokazać. Foto: Jan Kral Silwija Panošina (naprawo) zwurazni jako hosćićelka wutrobne słowa dźaka za wo bohaćenje pokazki Serbskeho kulturneho centruma z fotami Wótrotřělcow. Jich předsydka Monika Frenzel (nalěwo) zaso hódnoćeše móžnosć, wuslědki fotografowanja skupiny směć w Slepom pokazać. Foto: Jan Kral

Slepo (JK/SN). W Serbskim kulturnym centrumje (SKC) Slepo su minjeny pjatk fotowu wustajeńcu Wótrotřělcow z Běłeje Wody wotewrěli. Skupina, kotrejž přisłušeja młodźi kaž tež starši zajimcy fotografowanja,­ wobsteji lětsa dźesać lět. Jich předsydka Monika Frenzel wupraji w zawodnych słowach wosebitu dźakownosć napřećo sobudźěłaćerjam SKC, zo smědźa so w jubilejnym lěće w bliskej domiznje prezentować. Dotal běchu swoje fota přewažnje w němskich kónčinach pokazowali. Mjez druhim bě to hakle spočatk lěta w Hannoveru. W aktualnej přehladce, kotraž steji pod hesłom „Naša domizna“, pokazuja wuběr fotow z najwšelakorišimi widami na Łužicu. Wone sahaja wot brunicowych jamow hač ke krajinowym a přirodnym motiwam. Ze swojimi wobrazami spytaja čłonojo skupiny wosebitostki bjezpo­srědnjeje domizny a łužiskeje krajiny wotbłyšćować. Zapopadnjene łužiske impresije hodźa so po zestawje a zarjadowanju jara derje do stajneje pokazki SKC. Folklora so tak na spodobne wašnje wudospołnja z pokazkami na kraj a přirodu zwonka kulturneho centruma.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND