Nowu adwentnu kantatuFeliksa Brojera předstajili

štwórtk, 28. decembera 2017
artikl hódnoćić
(0 )
Kaž přeco je tež lětuši tradicionalny dohodowny koncert 1. serbskeje kulturneje brigady mnohich staršich, wučerjow a wulki kruh přećelow do Budyskeje Michałskeje cyrkwje přiwabił. Wosebitosć bě tónkróć premjera noweje serbskeje adwentneje kantaty Feliksa Brojera. SN/Maćij Bulank Kaž přeco je tež lětuši tradicionalny dohodowny koncert 1. serbskeje kulturneje brigady mnohich staršich, wučerjow a wulki kruh přećelow do Budyskeje Michałskeje cyrkwje přiwabił. Wosebitosć bě tónkróć premjera noweje serbskeje adwentneje kantaty Feliksa Brojera. SN/Maćij Bulank

24. dohodowny koncert serbskich gymnaziastow z prapremjeru

Mnozy wopytowarjo kóždolětnje sobotu do 3. adwentna w Budyskej Michałskej cyrkwi přewjedźeneho adwentneho koncerta 1. serbskeje kulturneje brigady bychu zawěsće něšto parowali, njeby-li na kóncu kaž rozžohnowanje hač k přichodnemu tajkemu twórba „Knjezowy jandźel“ zaklinčała. Mjeztym jara woblubowanu a daloko rozšěrjenu mištersku kompoziciju je rodźeny Budyšan a dźensa w Drježdźanach jako profesor za kompoziciju skutkowacy Günter Schwarze spisał. „Knjezowy jandźel“ wšak njeje wězo dawno jenička přičina, zo je tele zarjadowanje stajnje jara derje wopytane. Wone je skerje zetkanišćo starych a nowych přećelow serbskeho gymnazialneho chóra. Ćěleso přetrjechi w dalokej měrje niwow někotrehožkuli šulskeho chóra. Jako­ adwentny koncert připowědźene je zarjadowanje pod nawodom Budyskeho cyrkwinskeho hudźbneho direktora Friedemanna Böhmy stajnje woprawdźe na adwent jako čas přihota na hody wusměrjene.

Nowosć w repertoiru: Serbska adwentna kantata

wozjewjene w: Kultura

Galerija

dalši wobraz (1) Nimo nětčišich chóristow su na adwentnym koncerće tež bywši čłonojo brigady jako solisća přeswědčili.
dalši wobraz (2) 28lětny Budyski cyrkwinski hudźbnik a komponist Feliks Brojer
Prošu přizjewće so, chceće-li komentar podać

Serbska debata

nowostki LND