Tež aktiwnje ze stawiznami města so zeznajomili

štwórtk, 01. februara 2018
artikl hódnoćić
(0 )
Andrzej Plesczczyński, Christian Lübke a Friedrich Pollack (wotlěwa) na wědomostnej konferency Serbskeho instituta Foto: Carmen Schumann Andrzej Plesczczyński, Christian Lübke a Friedrich Pollack (wotlěwa) na wědomostnej konferency Serbskeho instituta Foto: Carmen Schumann

Budyšin (SN/JaW/bn). Ze zajimawymi dis­ku­sijemi wo před tysac lětami pod­pi­sanym Budyskim měrje je so wčera dwu­dnjowska konferenca składnostnje 1 000. róčnicy wujednanja měra zakón­čiła. W srjedźišću stejachu předewšěm histo­riske wobstejnosće kontrakta, zdźěli Budyski Serbski institut (SI), kotryž je kon­fe­rencu zhromadnje z Lipšćanskim Leibnitzowym institutom za stawizny a kulturu wuchodneje Europy (GWZO) we wobłuku programa „Sharing heritage“ zarjado­wał. Kaž rjekny přechodny direktor SI Hauke Bartels, móhła konferenca zdobom być „zazběh za nowu kooperaciju z GWZO“.

15 stawiznarjow z Němskeje, Pólskeje a Čěskeje je politiske, towaršnostne a kulturne wuwiće zažneho 11. lětstotka we Łužicy, w Pólskej, Čěskej a romsko-němskim mócnarstwje wobswětliło. „Bu­dyski měr steji dźensa symbolisce za ja­ra wotměnjawe poćahi mjez Němskej a Pólskej. Wón zwobraznja zdobom wosebitu mostowu funkciju dwurěčneje Hornjeje Łužicy, kotruž přicpěwaja jej w pólsko-němskich poćahach mjeztym wjac hač tysac lět“, rěkaše k tomu z SI.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND