Jutrowne wubědźowanje za dorost

póndźela, 05. měrca 2018
artikl hódnoćić
(0 )

Tež za dźěći a młodostnych wuhotuje Spěchowanski kruh za serbsku ludowu kulturu wubědźowanje wo najrjeńše jutrowne jejko, a to lětsa 65. raz. Runja dorosćenym mytuja najwustojnišo debjene kolekcije we wšěch štyrjoch serbskich technikach. Wobdźělić smědźa so wšitcy, kotřiž su młódši hač 25 lět.

Budyšin (SN/bn). Po tym zo běchu dorosćenych dobyćerjow 65. wubědźowanja wo najrjeńše jutrowne jejko we wobłuku 27. jutrownych wikow w Budyšinje mytowali, steja nětko dźěći a młodostni w srjedźišću.

Hišće hač do 4. apryla móža dorostowi ludowi wuměłcy swoje kolekcije w Serbskej kulturnej informaciji w Budyšinje, w Choćebuskej Lodce abo w regionalnych běrowach Domowiny w Slepom, Wojerecach a Chrósćicach zapodać. Wubědźowanje zarjadowacy Spěchowanski kruh za serbsku ludowu kulturu wopisuje kolekciju jako porik „w jednej ze znatych tradicionalnych technikow debjeneju, čisće wuduteju kokošaceju jejkow“.

wozjewjene w: Kultura
Prošu přizjewće so, chceće-li komentar podać

nawěšk

nowostki LND