Mišterske twórby mištersce zanjesene

wutora, 20. měrca 2018
artikl hódnoćić
(0 )
Chór SLA minjenu sobotu we Wětošowskej serbsko-němskej dwójnej cyrkwi. „Mišterske twórby chóroweje hudźby“ su publikum wobkuzłali.  Foto: SLA/Jana Krygarojc Chór SLA minjenu sobotu we Wětošowskej serbsko-němskej dwójnej cyrkwi. „Mišterske twórby chóroweje hudźby“ su publikum wobkuzłali. Foto: SLA/Jana Krygarojc

Budyšin (SN/bn). Minjeny kónc tydźenja je Serbski ludowy ansambl znowa „Mišterske twórby chóroweje hudźby“ předstajił. We Wětošowskej němsko-serbskej dwójnej cyrkwi a na žurli Budyskeho Serbskeho muzeja – wobě hrajnišći běštej bohaće wopytanej – su spěwarjo pod nawodom Andreasa Pabsta swětowu literaturu wšelakich dobow předstajili. Program wopřiješe twórby z repertoira, kotrež běchu ansamblowcy hižo w rjedźe prezentowali runje tak kaž z wjacorych nowinkow. Wjerški koncerta w Budyšinje běchu dynamisce zanjeseny, wot Soyoung Kim na křidle přewodźany melodram „Struga“, kotryž bě Jan Bulank na tekst Kita Lorenca skomponował, nutrny, jenož wot muži interpretowany „Nócny spěw“ Josefa Gabriela Rhein­bergera a wospjet „Credo“ z „Božeje mšě za dwójny chór“ Franka Martina.

wozjewjene w: Kultura
Prošu přizjewće so, chceće-li komentar podać

nawěšk

nowostki LND