Dudy wšěch typow zaklinčeli poručenje

póndźela, 18. junija 2018
artikl hódnoćić
(0 )
Swjedźenski ćah po wsy je z krutym wobstatkom Mjezynarodneho festiwala dudakow w Slepom. Na nim njeprědstaja so jenož wobdźěleni hudźbnicy a rejwarjo, ale tež towarstwa a kubłanišća regiona. Sta přihladowarjo su mjez druhim serbske nałožki kaž debjenje jutrownych jejkow (zady we wobrazu) abo chodojtypalenje wobdźiwali. Foto: SN/Maćij Bulank Swjedźenski ćah po wsy je z krutym wobstatkom Mjezynarodneho festiwala dudakow w Slepom. Na nim njeprědstaja so jenož wobdźěleni hudźbnicy a rejwarjo, ale tež towarstwa a kubłanišća regiona. Sta přihladowarjo su mjez druhim serbske nałožki kaž debjenje jutrownych jejkow (zady we wobrazu) abo chodojtypalenje wobdźiwali. Foto: SN/Maćij Bulank

Festiwal w Slepom z mjezynarodnym programom zahorił

Slepo (SN/bn). Mjezynarodny festiwal dudakow w Slepom, kotryž Domowinska župa „Jakub Lorenc-Zalěski“ zhromadnje z gmejnu, towarstwom Serbski kulturny turizm a ze Serbskim folklornym ansamblom w štyrilětnym rytmusu wuhotuje, je so wčera ze zhromadnym rozžohnowanjom nimale wšitkich na nim zastupjenych hudźbnikow na wulkim jewišću při cyrkwi skónčił. Wjace hač dwěsćě sobuskutkowacych je minjenej dwaj dnjej cyłkownje nimale połsta króć na dohromady dwěmaj hrajnišćomaj wustupiło.

Sobotu je patronka festiwala, bywša zapósłanča zwjazkoweho sejma Marja Michałkowa (CDU), zarjadowanje wote- wrěła. Wona dźakowaše so organizatoram a zwěsći, zo „je dźěćatko, kotrež bě so tu narodźiło, w zašłych lětach derje narostło“. Mjez wjerškami slědowaceho programa běštej koncertaj Gunhildy Carling & band – Šwedojo měšeja tradicionalnu hudźbu z popom a jazzom – a španiskeje skupiny Real Banda de Gaitas.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND