Čitajće w nowym rozhledźe (29.06.18)

pjatk, 29. junija 2018
artikl hódnoćić
(0 )

Nadźijam so, zo změjeće w lěćnym času lóšt na čitanje, wšako je wudaće Rozhlada za julij/awgust zaso trochu wobšěrniše hač tamne čisła a ma zajimawe temy.

W Lipsku studowacym a wšěm, kotřiž město nad Plesnu rady wopytuja, poručam přinošk Hynca Rychtarja wo tamnišich mjenach serbskeho pochada. Mjez jeho­ překwapjacymi namakankami je mjez druhim tafla ze serbskimi pomje­nowanjemi zwěrjatow a rostlin w hatnej krajinje blisko Lipska.

W awgusće swjeća w Nuknicy 20. wudaće alternatiwneho metalfestiwala Nuk­­stock.­ Słušeće-li k tym, kiž so prašeja, što ludźi tam ćehnje, přečitajće sej, što orga­nizatorojo wo festiwalu powědaja. Snadź was „originelnosć, swójske kompozicije a swójski raz“ tam wustupowacych skupin tohorunja k wopytej festiwala po­hnu­ja. W přinošku wo kulturje wotdeleka za­bě­ra so tež Marlena Nowak – wona hižo­ někotre lěta z Waršawy na festiwal jězdźi – z Nukstockom a přirunuje jón z běło­ruskim festiwalom Basovišča.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND