Koncert w sćinje cyrkwički

póndźela, 02. julija 2018
artikl hódnoćić
(0 )
Na zahrodźe před Radworskej Starej cyrkwičku je tamniši chór Meja wčera popołdnju swój tradicionalny lětni koncert wuhotował. Solistisce wustupištaj dirigent Pětr Cyž a Marko Wjeńka (nalěwo).  Foto: Werner Müller Na zahrodźe před Radworskej Starej cyrkwičku je tamniši chór Meja wčera popołdnju swój tradicionalny lětni koncert wuhotował. Solistisce wustupištaj dirigent Pětr Cyž a Marko Wjeńka (nalěwo). Foto: Werner Müller

Žorty, dudlawa a kopańca hudźbne popołdnjo chóra Meja wudospołnili

Radwor (CRM/SN). Rady běchu wjesnjenjo kaž tež dalši hosćo wčera zaso lětuše přeprošenje chóra Meja na kóždolětny koncert při Starej cyrkwičce sćěhowali. Wšako je historiske a zdobom nadobne městno wosrjedź Radworja zdobom wosebita idylka, kotraž dobru naladu přisporja. A Mejenjo běchu znowa spodobny program přihotowali a tak wulke wočakowanja wopytowarjow spjelnili. Z Pětrom Cyžom ma najstarše spěwne ćěleso regiona tež dirigenta, kiž wě chóristow k wustojnym wukonam wjesć. Přetož wčera wospjet napadny, zo spyta tež wón charakter kóždeje jednotliweje serbskeje pěsnje wudodnić a tak to, štož su naši hudźbni klasikarjo zašłosće nadčasneho zawostajili, w dźensa płaćiwej interpretaciji předstajić.

wozjewjene w: Kultura
Prošu přizjewće so, chceće-li komentar podać

nawěšk

nowostki LND