Němskaj widejosudnikajZwayer a Dankert hišće pódla

wutora, 10. julija 2018
artikl hódnoćić
(0 )

Němskaj koparskaj sudnikaj Felix Zwayer a Bastian Dankert mataj na finalu swětowych koparskich mišterstwow hišće składnosć, być zasadźenaj jako šefwidejoasistentaj. Dwójka Němskeho koparskeho zwjazka je skok na lisćinu dźesać móžnych sudnikow za widejoteamy we wobłuku zbywacych štyrjoch hrow docpěła. Tež Markus Borsch, asistent němskeho sudnika dr. Felixa Brycha, wostanje w turněrje. W polu hłownych zamołwitych, kotřiž dwuboje na trawniku sudźa, je hišće dwanaće refereejow, kotřiž móhli finale nawjedować. Najwjetše šansy mataj Nižozemjan Björn Kuipers a Argentinjan Néstor Pitana. ­Jasne a rozsudźene pak hižo je, zo budźe finale za telewiziju ZDF Béla Réthy komentować. To zdźěli wčera sportowy šef ZDF Thomas Fuhrmann.

wozjewjene w: Sport
Prošu přizjewće so, chceće-li komentar podać

Serbska debata

nowostki LND