Chróšćenjo nětko z čerwjenej latarnju
SJ Chrósćicy II –
SJ Wjelećin 2:3 (1:0)
Zestawa domjacych: M. Mark – M. Donat, F. Zahrodnik, Dórnik, K. Mark, Wencel, Liznar, Bjeńš, Budar (78. Lehmann), J. Donat (74. Sćapan), B. Donat (70. M. Zahrodnik)
Zašłu njedźelu wuhra so w Chrósćicach brizantny duel. Tamniša rezerwa witaše hósća z Wjelećina. Mustwje měještej do hry jeničce dypka rozdźěla.
Wuslědki (10.10.24)
Wokrjesna liga stafla I
Rakečanske ST II – Frankenthal 1:1 (1:0)
Arnsdorfs – Steinigtwolmsdorf 1:2 (1:0)
Motor Kumwałd – Wjernarjecy 6:1 (2:0)
SJ Chrósćicy II – ST Wjelećin 2:3 (1:0)
ST Porchow – Bretnig-Hauswalde 1:1 (1:0)
ST Marijina hwězda – Wjazońca 2:5 (2:3)
Hlinowski SK – Huska/Hodźij 1:1 (0:1)
1. Hlinowski SK 1931 7 25 : 6 19
2. TSV Wjazońca 7 24 : 13 16
3. HZ Huska/Hodźij 7 16 : 9 14
4. SZ Steinigtwolmsdorf 7 15 : 9 14
5. Motor Kumwałd 7 21 : 13 12
6. HZ Frankenthal 7 11 : 8 12
7. Bretnig-Hauswalde 7 13 : 8 10
8. Arnsdorfske KT 7 14 : 13 10
9. ST Porchow 7 13 : 11 8
10. TSV Wjernarjecy 7 16 : 23 8
11. ST Marijina hwězda 7 17 : 18 6
12. Rakečanske ST II 7 9 : 32 4
13. ST Wjelećin 7 11 : 26 3
14. SJ Chrósćicy II 7 12 : 28 1
Sokoljo prěni króć w sezonje w domiznje dobyli
Sokoł Ralbicy/Hórki –
Póst Germania Budyšin 4:2 (4:0)
Zestawa domjacych: Schöne – Matka (72. Rawš), Schultz, B. Heidorn, Mikławšk, Rachela, Gloxyn, Šewc, Korjenk (82. Šiman), Bejmak (46. L. Heidorn), Woko (59. Hicka)
Na sedmym hrajnym dnju witachu Sokoljo zestupnika z krajneje klasy Post Germaniju z Budyšina. Trenar Christoph Gloxyn běše swoje mustwo na ćežki, ale nic njemóžny nadawk přihotował. Hosćo maja dobru techniku a su chětro sylni w dwubojach. Tak chcychu Budyšanow zahe nadběhować a jich k zmylkam nuzować.
Horcy derby w Radworju
ST 1922 Radwor –
ST 1896 Wulka Dubrawa 1:1 (1:0)
Zestawa domjacych: Šěrak – B. Grubert, Omran, M. Dźisławk, Wjeńka, Wjesela (65. Reineke), Nuk (84. M. Grubert), Šnajder (58. Mička), Adam, Glücklich (79. C. Dźisławk), Wróbl
Nimale 200 přihladowarjow pjelnješe sportowy center w Radworju při tutym klasiskim wokrjesnym derbyju. Wobě mustwje běštej w tutej sezonje najprjedy jednu hru přěhrałoj. Při tym dyrbješe wostać.
Radworčenjo lěpje do hry startowachu. Tak móžeše Wulka Dubrawa jenož dołhe bule hrać. Nimo toho přěhrachu wjele dwubojow. Hižo w 4. min. poda so Niklas Šnajder před wrota a suny bul k 1:0 do saka. Wot 26. min. hraješe Radwor samo z mužom wjac, po tym zo bu Šnajder wotzady njefairnje trjecheny. Ale to přinjese domjacemu cyłkej wjace problemow hač lěpšiny. Wulkodubrawčenjo nadobo wjace běhachu a běchu prezentniši w dwubojach. Ale hač do wothwizdanja zwosta při 1:0 za Radworčanow.
Prěnja poražka za Chróšćanow
TSV Wachau –
SJ Chrósćicy 3:0 (1:0)
Zestawa hosći: Škoda – Mark (53. Hawš), F. Cyž, Zynda, B. Cyž (68. L. Zahrodnik), Handrik (65. Graf), Wornar (53. Matik), M. Zahrodnik, Bogusz, Młynk (53. Rätze)
Tydźenja dojědźechu sej Chróšćenjo do Wachauwa. Po dobrym starće do sezony chcychu hosćo dalše dypki hromadźić a z tym zwisk k prědnim městnam tabulki dźeržeć. Zo njebudźe to lochka hra, bě wot spočatka widźeć.
Domjacy hibachu so hłuboko w swójskej połojcy. Tak běchu rumy za SJC chětro małke. Hosćo wot spočatka hru kontrolowachu a mějachu hnydom móžnosć k nawjedowanju. Třělwa Bosćija Cyža z kromy šěsnatki pak padny z łaty zaso do hrajnišća. Hrajerjo SJC dale w ofensiwje za rumami pytachu. Ale derje organizowany škit domjacych jim wjele njeskićeše. Jednotliwe třělwy z distancy wulce strach za wrotarja njewubudźichu. W tamnych ofensiwnych akcijach falowaše prawa ideja abo spěšnosć. Na druhej stronje spytachu domjacy přeco zaso konterować abo přez standarty k móžnosćam přińć. Hdys a hdys so tak tež strašnje před wrotami Jakuba Škody jewjachu. Krótko do połčasa pak wuhrachu sej domjacy konter a docpěchu w 43. min. 1:0.
Worklečenjo dyrbja w Ralbicach hrać
Prěnje mustwo Viktorije Worklecy hraje nětko hižo někotre lěta w Sakskej klasy. Domjace hry su so stajnje tež we Worklecach wuhrali. Nětko pak je hala nadobo přemała. Jurij Bjeńš je so ze Sćěpanom Wjeńku rozmołwjał, kak je k tomu přišło.
Sćěpano, hraja w Sakskej klasy nowe postajenja jednu rólu abo čehodla njesměće wjac we Worklecach wo dypki wojować?
S. Wjeńka: Ně, tute postajenje hižo dołho eksistuje. Tola runje tak je móžno, z wuwzaćemi w mjeńšej hali hrać. To smy stajnje tež směli. Nětko pak su loni naše žony do Sakskeje klasy postupili a tam su so někotre přećiwniske mustwa přez wysokosć hale mjerzali a to do protokola zapisali. Sportowe sudnistwo je sej na to dyrbjało měry wobhladać a dokelž měry njetrjechja, su nam za nowu sezonu zakazali, na Sakskej runinje domjace hry we Worklecach přewjesć.
Wo kelko metrow abo centimetrow je Worklečan hala nětko přemała?
S. Wjeńka: We wysokosći faluje něhdźe połdra metra a w šěrokosći jedyn meter.
Připad jeho do Choćebuza wjedł
Kóždy to hidźi, hdyž na awtodróze doprědka njeńdźe abo samo k haćenju wobchada dóńdźe. Zo móže to bjezdwěla tež dobre situacije wuskutkować, wo tym rozprawja bywši manager FC Energije Choćebuz Klaus Stabach: „Smy 1994 trenarja pytali. A dokelž wědźach, zo bě mój studijny kolega Ede Geyer runje bjez nadawka, sym so pola njeho naprašował. Trjebaše trochu časa k přemyslowanju. Jako jeho zazwonich, bě wón runje na jězbje k jednanjam z Čerwjeno-běłymi Erfurt. Woni chcychu jeho tež rady měć. Dokelž pak bě na awtodróze k haćenju wobchada přišło, rozsudźi so krótkodobnje zawróćić a do Choćebuza jěć, zo by so ze mnu zetkał.“
Dosć spěšnje buštaj sej přezjednaj, samo z mzdu 5 000 DM bě Geyer přezjedny a tak sta so jako šeftrenar w regionalnej lize wot sezony 1994/95. Dokelž bě sezona skerje słaba – Choćebuz bu jenož sedmy – chcyše so Saksa zaso zhubić. Po wšěm zdaću bě jeho nětko trochu powyšena mzda přičina, wostać w Delnjej Łužicy. W slědowacej sezonje zakónči Energija sezonu hižo na třećim městnje.
Letiska cyrkej wustupiła
Riga (B/SN). Ewangelsko-lutherska cyrkej w Letiskej (ELKL) je oficialnje ze zhromadźenstwa ewangelskich cyrkwjow w Europje (GEKE) ordinacije žonow dla wustupiła. Arcybiskop Janis Vanags k tomu měni: „Jako ELKL 1975 k zhromadźenstwu ewangelskich cyrkwjow přistupi, njejsu wo tutej temje rěčeli. W lěće 2016 naša synoda wobzamkny, ordinaciju žonow wotstronić, ale GEKE to njeje akceptowało.“
Kritizuje azylowu politiku
Berlin (B/SN). Něhdyša kandidatka za zastojnstwo zwjazkoweje prezidentki Gesine Schwan kritizuje migracisku politiku SPD a žada sej z tysacami podpisarjow zjawneho lista „humanu azylowu politiku“. Wona strachuje so wo dostojnosć ćěkancow. „Přiwšěm pak ze strony SPD kaž tež z katolskeje cyrkwje njewustupju.“
Muslimske pohrjebnišća
140 přihladowarjow je wčera we wokrjesnej klasy wokrjesny derby SJ ...
Widźał,słyšał, napisał (07.10.24)
Awtor dźensa
Beno Šołta
To běše kaž cyle nowe dožiwjenje!
Njedawno sym so zwažił na połmarathon, potajkim běh kiž je něhdźe 21 kilometrow dołhi. Tež hdyž sym hižo wjele wšelakich wubědźowanjow přewjedł, hač płuwanje, duatlon, triatlon a wězo tójšto běhow na distancu wokoło 10 kilometrow, běše to za mnje něšto noweho, njewědźach, što mje wočakuje. Tak daloko njejsym pospochi hišće ženje běžał – hakle šěsć dnjow do běha sym to testował. Je so poradźiło, a tak sym so přizjewił za połmarathon w Čěskim měsće Usti.
Snano njeje to najrjeńše město za prěni pospyt, přiwšěm sym lóšt dóstał na wjace. Prěnich 10 kilometrow bě wězo jednore, to znaju. Do 15 kilometrow běše wšo okay, potom běše napinace. A wot kilometra 18 bě to za mnje ekstremnje njepřijomne: mějach ćežkej noze, ćělnje běch na limiće, jenož we hłowje sej wumjetowach „dobry čas dotalnych kilometrow njebudźeš sej nětko na poslednich třoch zaso skepsać“. A tak běch w cilu wjesoły, zo mam to za sobu.
