Liški dočasnje klasu dźerža
EC Bad Nauheim – Łužiske lodohokejowe liški 2:6 (1:1, 1:2, 0:3)
Běłowodźenjo dobychu pjatk pola EC Bad Nauheim jasnje 6:2 a swjećachu šeste dobyće za sobu. Z tutym wuspěchom Łužičenjo pjeć hrajnych dnjow do kónca hižo klasu wěsće dźerža. Bad Nauheim startowaše intensiwnje a docpě we 8. min. nawjedowanje přez Ryana Olsena.
Liški wostachu měrni a wurunachu w 17. min. přez Adama Bradyja po přihrawce Clarke Breitkreuza. Z hrajnym stawom 1:1 dźěše do prěnjeje třećinoweje přestawki.
W srjedźnym wotrězku trjechi Ryan Olsen w hrě z hrajerjom wjac na lodźe znowa k nawjedowanju 2:1 za Bad Nauheim (24.). Jenož mjeńšinu pozdźišo pak Charlie Jahnke po konteru k 2:2 wuruna. W 37. min. docpě Marlon Braun 3:2 nawjedowanje za Běłowodźanow.
Na spočatku kónčneje třećiny zwyši Alexander Dosch po třělwje Kyle Havlena na 4:2 (44.).
Chcedźa zaso horjeka sobu hrać
Sportowy reporter Werner Müller je w zymskej přestawce, kotraž so nětko doskónčnje nachila, čas wužił a so z Peterom Grenzemannom, trenarjom prěnjeho koparskeho mustwa Sportoweho towarstwa 1922 Radwor rozmołwjał.
Sy z prěnjej połseriju sezony 2025/2026 spokojom?
Po ćežkej druhej połseriji zašłeje hrajneje doby smy derje do noweje sezony startowali. Po prěnich hrajnych dnjach smy samo w načolnej skupinje tabulki stali. Přiwšěm njejsmy přeco zdokonjeli, połny potencial mustwa wotwołać. Je to jara młody cyłk, kotryž drje wjele lubi, ale dyrbi hišće nazhonjenja zběrać. W někotrych hrach smy widźeli, što w hólcach tči, ale w druhich wokomikach njeběchmy konstantni dosć. Runje w hrach, w kotrychž zabjerješ tak mjenowanu rólu faworita, je nam druhdy trěbny měr pobrachował. Zwostanje hišće wjele dźěła, zo by so team dale wuwił a wobstajnišo agěrował.
Što běchu wjerški prěnjeje połserije?
FC Energija na čole tabulki
FC Rudne horiny Aue – FC Energija Choćebuz 1:2 (1:1)
FC Energija Choćebuz: Funk – Straudi, Awortwie-Grant, Manu, Lucoqui, Michelbrink (60. Tolga Ciğerci), Pelivan (80. Butler), Borgmann, Tolcay Ciğerci (89. Cvjetinovic), Engelhardt, Hannemann (60. Moustfa)
slěd wrotow: 1:0 Bär (5.), 1:1 Manu (12.), 1:2 Borgmann (87.)
přihladowarjo: 11 774
Zažny zastatk škitar King Manu spěšnje wuruna. Při 0:1 bě so nutřkowny škitar přećiwo třělcej wrotow Marcelej Bärej hišće amatersce zadźeržał. Po 1:1 pak FC Energija Choćebuz duel jasnje dominowaše. Jeničce poslednje přihrawki běchu husto přenjedokładne. Hewak bychu hosćo hižo z jasnym předskokom do kabiny šli.
Wuslědki (24.02.26)
Kopańca, 3. liga
Aue – FC Energija Choćebuz 1:2 (1:1)
1. FC Energija Choćebuz 25 51 : 38 48
2. MSV Duisburg 25 46 : 32 46
3. VfL Osnabrück 25 38 : 24 46
4. SC Verl 25 60 : 38 44
5. Čerwjeno-běli Essen 25 48 : 41 43
6. Wehen Wiesbaden 25 38 : 28 41
7. Hansa Rostock 25 41 : 28 40
8. TSV 1860 Mnichow 25 40 : 35 39
9. FC Ingolstadt 04 25 44 : 34 36
10. Waldhof Mannheim 25 41 : 46 36
11. Viktoria Köln 25 35 : 33 35
12. VfB Stuttgart II 25 32 : 40 35
13. TSG Hoffenheim II 25 47 : 44 32
14. TSV Alemannia Aachen 25 42 : 46 32
15. Jahn Regensburg 25 33 : 38 31
16. 1. FC Saarbrücken 25 33 : 36 28
17. FC Rudne horiny Aue 25 28 : 40 24
18. SSV Ulm 1846 25 33 : 51 23
19. TSV Havelse 25 35 : 55 19
wokrjesna liga, stafla 2
1. Traktor Malešecy 12 38 : 10 31
2. ST Lubuš 13 39 : 16 29
3. Módro-běli Minakał 12 37 : 21 27
4. ST 1896 Wulka Dubrawa 12 37 : 19 20
5. HZ Łaz/Běły Chołmc 12 30 : 17 19
6. ST Kinspork/Łužnica 12 29 : 22 19
7. ST Radwor 12 26 : 29 16
8. FSV Łuty 12 18 : 25 15
9. FC Łužica 13 21 : 31 14
10. HZ Wulke Ždźary 13 28 : 43 14
11. Zeleno-běli Sepicy 13 13 : 30 13
12. Wojerowski FC II 12 25 : 30 12
13. Rakečanske ST II 11 14 : 40 9
14. SJ Chrósćicy II 13 12 : 34 4
Olympiske zymske hry w Mailandźe a Cortinje zakónčene
Olympiski kónc tydźenja steješe z němskeho wida cyle w znamjenju wulkich wuspěchow w lodowym kanalu a historiskeho triumfa w sněhakowarskim crosu. Předewšěm w bobje zběraše němski team znowa wjacore medalje a podšmórny skutkownje swoju dominancu w tutej disciplinje.
Pjatk bu olympiske sněhakowarske crosowe wubědźowanje žonow přewjedźene. W finalu přesadźi so Daniela Maier z Němskeje a doby złoto před Šwicarku Fanny Smith a Sandru Näslund ze Šwedskeje.
Sportohistoriski kapitl pisaše sobotu Johannes Høsflot Klæbo z Norwegskeje w 50kilometrowskim wubědźowanju na běžkach muži. W taktisce charakterizowanym wubědźowanju přesadźi so Klæbo w cilowym sprinće a wudoby sej swoju šestu złotu medalju při tutych olympiskich hrach – marku, kotruž njebě do toho hišće žadyn zymski sportowc na olympiskich hrach docpěł. Z cyłkownje nětko jědnaće olympiskimi złotymi medaljemi liči Klæbo doskónčnje k najwuspěšnišim zymskim sportowcam scyła. W lětnich a zymskich hrach je jenož hišće Michael Phelps z USA z 23 złotymi medaljemi před nim.
Přihotowanska koparska hra Natwar Němske Pazlicy II – Sportowa ...
Widźał,słyšał, napisał (23.02.26)
Kotre zaćišće su zawostali wot wčera zakónčenych olympiskich hrow? Pola mje nastupajo medaljowy přehlad, zo běchu Němcy jara wot swo- jich sportowcow w lodowym kanalu wotwisni. Nastupajo star-potencial, zo je sej wěsty Johannes Klæbo po mojim měnjenju pomnik stajił jako najlěpši sněhakowar wšěch časow. Zahorił je mje duel w spěšnosmykanju mjez Nižozemjankomaj Juttu Leerdam a Femke Kok, z kotrehož stej wobě jako dobyćerce wušłoj. Wjeselił sym so nad spektakularnymi kamjenjemi němskeho curlera Marka Muskatewitza. Ale tež porjadnje sobu ćerpjeć sym móhł z olympiskimi njezbožakami. Tak je spěšnosmykar Joep Wennemars wěstu medalju w 1 000 metrach dla njekedźbnosće přećiwnika zhubił. Abo sněhakowarka Ebba Anderson, kiž je sej při zražce sněhak skóncowała a tak wěstu złotu medalju za šwedsku staflu zhubiła. Abo skakarjej Raimund a Wellinger, kotrejuž móžna bronzowa medalja bu wopor wjedra.
Olympiske zaćišće a Dolomiti Superski
Wuslědki (23.02.26)
Kopańca, wokrjesna wyša liga
STHnašecy-Dobruša –
ST Horni kraj-Sprjewja2:0 (0:0)
1. ST Hnašecy-Dobruša 16 39 : 21 38
2. Póst Germania Budyšin 15 34 : 15 32
3. SG Großnaundorf 15 38 : 21 31
4. Sokoł Ralbicy/Hórki 15 32 : 22 31
5. Rakečanske ST 15 36 : 24 27
6. SC 1911 Wulke Rědorjecy 15 36 : 25 23
7. LSV Hory 15 45 : 44 22
8. Zeleno-běli Bukecy 15 33 : 31 19
9. Módro-běli Kulow 15 24 : 30 18
10. FV Ottendorf-Okrilla 15 24 : 30 17
11. Hlinowski SK 1931 15 38 : 46 17
12. SJ Chrósćicy 15 31 : 30 13
13. Drohotka Ramnow 14 17 : 34 13
14. TSV Połčnica 14 17 : 33 12
15. ST Horni kraj-Sprjewja 16 19 : 40 12
16. TSV Wachau 15 19 : 36 11
wokrjesna liga, stafla 1
ST Porchow – Arnsdorfske KT 3:4 (1:2)
1. Bretnig-Hauswalde 13 59 : 5 37
2. TSV Wjazońca 13 44 : 34 27
3. ZSZ Załom-Wopaka 13 34 : 23 26
4. ST Wjelećin 13 35 : 33 25
5. ST Kubšicy 13 46 : 25 24
6. Arnsdorfske KT 13 45 : 26 23
7. ST Marijina hwězda 13 37 : 20 20
8. ST Porchow 12 30 : 20 20
9. HZ Huska/Hodźij 13 25 : 34 13
10. TSV Połčnica II 13 21 : 38 13
Historiska premjera w dlěšim pućowanju ze sněhakami po horach
Třinaty wubědźowanski dźeń Olympiskich zymskich hrow měješe historisku premjeru, znowa rjane rozsudy na lodźe a wulke emocije w krasnosmykanju. Z olympiskim debitom ski mountaineeringa su prěni raz w nowej zymskej sportowej družinje medalje wudźělili.
Wo historiski wokomik postara so sprint muži w nowej disciplinje, při kotrejž zdoby sej Oriol Cardona Coll ze Španiskeje złotu medalju. Z tym krónowaše so wón k prěnjemu dobyćerjej w olympiskich stawiznach tuteje discipliny. Slěbro zawěsći sej Nikita Filippow, kiž startowaše jako neutralny atlet, a Thibault Anselmet z Francoskeje wudoby sej bronzu. Wubědźowanje wobsteješe z intensiwneho postupa ze sněhakami, krótkeho wotrězka nošenja sněhakow pěši a spěšneho wotjězda do cila. Tež žony zamóchu stawizny pisać. Marianne Fatton ze Šwicarskeje doby jako prěnja w tutej disciplinje złoto před Emily Harrop z Francoskeje a Anu Alonso Rodriguez ze Španiskeje.
