Hudźbne lěćo jara wuspěšne poručenje

póndźela, 06. awgusta 2018
artikl hódnoćić
(0 )
Dirigent Friedemann Böhme a organist Feliks Brojer (prědku wotlěwa) staj k poradźenemu koncertej w Pančičansko-Kukowskej klóšter skej cyrkwi přinošowałoj. We wobłuku Łužiskeho hudźbneho lěća předstajichu tam projektny chór, hudźbnicy SLA kaž tež solistaj twórby mjezynarodnych komponistow z časa wot baroka hač do dźensnišeho.  Foto: Feliks Haza Dirigent Friedemann Böhme a organist Feliks Brojer (prědku wotlěwa) staj k poradźenemu koncertej w Pančičansko-Kukowskej klóšter skej cyrkwi přinošowałoj. We wobłuku Łužiskeho hudźbneho lěća předstajichu tam projektny chór, hudźbnicy SLA kaž tež solistaj twórby mjezynarodnych komponistow z časa wot baroka hač do dźensnišeho. Foto: Feliks Haza

Chwalospěwy w Pančicach-Kukowje a dujerjo w Budyšinje rjad zakónčili

Budyšin/Pančicy-Kukow (SN/bn). Z tradicionalnej „swjedźenskej wěžowej hudźbu“ stej wčera wječor kwintetaj Musica con spirito z Drježdźan a Budyscy měšćanscy dujerjo 13. łužiske hudźbne lěćo w Budyšinje zakónčiłoj. Prěni dźěl koncerta wuhotowaštej cyłkaj na Hłownym torhošću a na wěži radnicy. Něhdźe 300 wopytowarjam předstajichu hudźbnicy twórby w 17. lětstotku w sprjewinym měsće skutkowaceho komponista Jo­hanna Christopha Pezela. We wotměnje zaklinčachu barokne zynki raz z wěže, raz z torhošća. Druhi dźěl prezentowachu woni zdźěla zhromadnje hudźo před radnicu. Program wopřiješe kompozi­cije z časa wot zažneho baroka hač do 20. lětstotka. Mjez druhim zaklinčachu „The Earle of Oxford’s March“ Williama Byrda, „Mała wěžowa hudźba“ Ferenca Farkasa a „Music for Brass“ Klausa-Petera Bruchmanna. Wjeršk bě kedźbyhódna adapcija wujimkow z baleta „Jězor kołpjow“ Pjotra­ Čajkowskeho, kotruž bě čłon Budy­skich dujerjow Torsten Förster spisał.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND