Atmosfera, chaos, swójba a dobra hudźba

štwórtk, 06. septembera 2018
artikl hódnoćić
(0 )
Skupina Hentai Corporation z Prahi bě druhi raz z hosćom na Nukstocku, štož bě za nju wuznamjenjenje. Wšako organizatorojo dokładnje na to dźiwaja skupiny nastupajo so njewospjetować. Wuwzaća su jubileje, kajkiž festiwal lětsa swjećeše: Towarstwo „barakka“ wuhotowa lěta 1997 załoženy swjedźeń twjerdeje a/abo alternatiwneje hudźby 20. raz. Nadja Brězanec Skupina Hentai Corporation z Prahi bě druhi raz z hosćom na Nukstocku, štož bě za nju wuznamjenjenje. Wšako organizatorojo dokładnje na to dźiwaja skupiny nastupajo so njewospjetować. Wuwzaća su jubileje, kajkiž festiwal lětsa swjećeše: Towarstwo „barakka“ wuhotowa lěta 1997 załoženy swjedźeń twjerdeje a/abo alternatiwneje hudźby 20. raz. Nadja Brězanec

Festiwal twjerdeje hudźby Nukstock mjeztym kaž institucija

„Što je abo što wučinja Nukstock?“ Pra­šeš­-li so za tym wuhotowarjow abo hosći festiwala, dóstawaš wězo najwšelakoriše wotmołwy. Najčasćišo pak jewja so słowa kaž atmosfera, chaos, swójba a dobra hudźba. Lěta 1997 bě festiwal twjerdeje hudźby „barraka“ – mjeztym towarstwo – prěni króć wuhotowała. Tehdy wotmě so wón hišće we wobłuku Nukničan­skeho wjesneho swjedźenja. Prěnje lěta běchu po rozprawje iniciatorow nastupajo organizaciju a wotběh chětro chaotiske. Ale po lětach wuwi so wěsta rutina, tak zo wukristalizowaštej so počasu na přikład dźensniši natwar a pozicija stanow, jewišća, zachoda atd. Tež z jednotliwymi stacijemi zwisowacy personal je so hač na małe při- a wotchady skrućił.

wozjewjene w: Kultura

Galerija

dalši wobraz (1) Dew-Scented z Braunschweiga wotmě we wobłuku rozžohnowanskeje turneje při Nuk ničanskej skale jedyn ze swojich poslednich koncertow.
dalši wobraz (2) Čajownja bě městnosć wotpočinka, hdźež bě składnosć za někotružkuli rozmołwu wosrjedź wótrych zynkow.
dalši wobraz (3) Spěwytwórc Bernd Pittkunings bě lětsa wosebity hósć. Foto: Maćij Šěn
Prošu přizjewće so, chceće-li komentar podać

Serbska debata

nowostki LND