„Lubuju sylne, błyšćate barby“

wutora, 11. septembera 2018
artikl hódnoćić
(0 )
W Barće bydlaca rodźena Delnjokinjanka Wórša Lanzyna swjeći dźensa dźewjećdźesaćiny. Składnostnje jubileja přihotuja  tuchwilu wustajeńcu jeje twórbow w Budyskej Serbskej kulturnej informaciji.SN/Maćij Bulank W Barće bydlaca rodźena Delnjokinjanka Wórša Lanzyna swjeći dźensa dźewjećdźesaćiny. Składnostnje jubileja přihotuja tuchwilu wustajeńcu jeje twórbow w Budyskej Serbskej kulturnej informaciji.SN/Maćij Bulank

Wuznamna serbska keramikarka, zhotowjerka a grafikarka Wórša Lanzyna swjeći dźewjećdźesaćiny

Wórša Lanzyna słuša k najwuznamnišim serbskim wuměłčam našeho časa. Sieghard Kozel mjenowaše ju raz „najbóle wjelestronsku grafikarku a rysowarku, wulkotnu akwarelistku a filigranu kaligrafku“. Mnohim kniham, přewažnje w Ludowym nakładnistwje Domowina wudatym, je wona ze swojoraznym wuhotowanjom runje tak wosebity charakter spožčiła kaž tójšto plakatam Němsko-Serbskeho ludoweho dźiwadła. Wosebje znate pak je jeje tworjenje na polu keramiki. Dźensa swjeći rodźena Delnjo­kinjanka 90. narodniny.

„Byrnjež staroba tu abo tamnu wadu měła, so na narodniny wjeselu. Swjedźenja dla so docyła njestarosću, to móžu so na swojeho syna Ulricha spušćeć, kiž jón přihotuje. Wjeselu so nad wopytom, dołhož ludźo w syłach njepřińdu. Dary mi wažne njejsu, što měła z materielnymi wěcami tež započeć – dom je dźě hižo połnje nastajany, bydlu tu nimale w muzeju. Rjany kwěćel wšak so mi přeco spodoba“, jubilarka powěda.

wozjewjene w: Kultura

Galerija

dalši wobraz (1) Po słowach tworićelki absolutnje njepředajomna keramika „Wódny muž“
dalši wobraz (2) Hilža Bartáková je přećelka jubilarki z časa na Praskim Serbskim seminarje.
Prošu přizjewće so, chceće-li komentar podać

Serbska debata

nowostki LND