Hudźbny festiwal zahajeny

srjeda, 06. měrca 2019
artikl hódnoćić
(0 )

Frankfurt nad Wódru (SN/at). Lětuši Hudźbny festiwal nad Wódru je so ze swje­dźenskim aktom minjeny pjatk w Frankfurće nad Wódru zahajił. Program wopřijima hač do 22. měrca wjace hač 20 koncertow a dalše zarjadowanja w dźewjeć němskich a pjeć pólskich městach.

Prěni hudźbny wjeršk bě sinfoniski koncert minjenu sobotu w Zielonej Górje, partnerskim měsće Choćebuza. Zaklinčeli su tam twórby Edvarda Elgara, Pjotra Iljiča Čajkowskeho, Czesława Grabowskeho a Ludwiga van Beethovena. Koncert wuhotowachu Zielonogórska filhar­monija, chór Šleskeje filharmonije a chór Szczecinskeje akademije wuměłstwa. Njedźelny zahajenski koncert w Frankfurtskej koncertowni „C. P. E. Bach“ steješe cyle w znamjenju pasiona po Mateju, předstajeny wot wulkeho chóra Spěwneje akademije a Braniborskeho statneho orchestra Frankfurt.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND