Njebjelčicy (SN/JaW). Syła Serbow je wčera popołdnju wuznamneho molerja, čestneho wobydlerja Njebjelčanskeje gmejny a čestneho wobydlerja Budyšina a čestneho čłona Zwjazka serbskich wuměłcow (ZSW) Jana Buka na Njebjelčanskim kěrchowje k rowu přewodźała a so z nim rozžohnowała. Nimo swójbnych běchu tež mnozy zastupjerjo serbskich institucijow a serbskich towarstwow přitomni kaž tohorunja zastupjerjo komunow.