K smjerći wuměłca-molerja Jana Buka

srjeda, 10. apryla 2019
artikl hódnoćić
(0 )
Serbski moler a čestny wobydler města Budyšina a gmejny Njebjelčicy Jan Buk je 1. apryla zemrěł.  Foto: SN/Maćij Bulank Serbski moler a čestny wobydler města Budyšina a gmejny Njebjelčicy Jan Buk je 1. apryla zemrěł. Foto: SN/Maćij Bulank

Serbski moler Jan Buk zemrě 1. jutrownika w 97. žiwjenskim lěće. W rozestajenju z dogmatiskimi nahladami wo tym, što měło serbske wuměłstwo zdokonjeć, a we wotmjezowanju wot kulturnopolitiskich předpodaćow nasta cyle swójske Bukowe tworjenje. Tak sta so wón z reprezentantom nowočasneho serbskeho wuměłstwa. Jeho wuměłski euwre přeswědči z kwalitatiwnej wurunanosću. Z bědnych prócowanjow za čas studija we Wrócławju a w Drježdźanach spočatk 1950tych lět, ze zasakłeho zakitowanja swójskich wuměłstwowych nahladow přećiwo zadźěwkam časa nastachu harmoniske kompozicije krajinow, ćišnow a aktow we wobknježenej formje.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND