Chór gymnazija njewšědnu twórbu předstajił

wutora, 16. apryla 2019
artikl hódnoćić
(0 )
Pod nawodom Theje Čórlichec (nalěwo) předstajichu chór 1. Serbskeje kultur neje brigady a solisća „Sinfoniju V“ Jana Pawoła Nagela.  Foto: SN/Hanka Šěnec Pod nawodom Theje Čórlichec (nalěwo) předstajichu chór 1. Serbskeje kultur neje brigady a solisća „Sinfoniju V“ Jana Pawoła Nagela. Foto: SN/Hanka Šěnec

Budyšin (CRM/SN). Do wobšěrneho wuměłskeho projekta „Swětło pozbudźa“ bě tež chór Serbskeho gymnazija Budyšin zapřijaty. Sobotu do bołmončki wu­ho­towa wón w Budyskej tachantskej cyrkwi pod nawodom cyrkwinskeho hudźbneho direktora Friedemanna Böhme hudźbny nyšpor, w kotrymž na­hlad­nu ličbu serbskich a němskich wopy­towa­rjow znowa runjewon wobkuzła. Z dwěmaj dźělomaj Jana Pawoła Nageloweje „Sinfonije V – Tři modlitwy“ steješe twórba klasiskeje moderny na programje, kotraž jara wužaduje a njeje tuž wot komponista zawěsće za šulski chór myslena. W lěće 1995 bu sinfonija we Wojerowskej Janskej cyrkwi hišće w přitomnosći komponista prapředstajena. Nětko so znowa wobkrući, zo hodźi so kompozi­cija wulkeje hudźbneje formy, po stilu jónkrótna, swojeje nabožneje dimensije dla jako ­duchowny testament kompo­nista wobhladować. Do wosebitosćow sinfonije słuša wuběr instrumentarija. Su to bija­dła ze sylnym wobdźělenjom bubonow a pišćele.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND