Armin Mueller-Stahl prezentuje so jako moler

štwórtk, 25. julija 2019
artikl hódnoćić
(0 )
Wustajeńcu Armina Muellera-Stahla staj wčera w Kamjenskim sakralnym muzeju Roland Dantz (nalěwo) a dr. Sören Fischer wotewrěłoj.  Foto: Feliks Haza Wustajeńcu Armina Muellera-Stahla staj wčera w Kamjenskim sakralnym muzeju Roland Dantz (nalěwo) a dr. Sören Fischer wotewrěłoj. Foto: Feliks Haza

Kamjenc (CRM/SN). „Jara so wjeselimy, zo je so wón cyle spěšnje za wustajeńcu w našim měsće rozsudźił“, praji Kamjenski wyši měšćanosta Roland Dantz (njestronjan) při witanju mnohich Kamjenčanow wčera w sakralnym muzeju swj. Hany. Multitalent Armin Mueller-Stahl ze swojimi wobrazami wosebje staršu generaciju překwapja. Mnozy znaja mjeztym 89lětneho wuměłca jako wosobinu, kiž bu w NDR pjeć króć za sobu wot přihladowarstwa jako najlubši dźiwadźelnik wuzwolena. Wobšěrna je předewšěm jeho filmografija, přetož po přesydlenju do zapadneje Němskeje 1979 njeskónči so jeho karjera. W lěće 1992 přesydli so wuměłc do Los Angelesa. Pjeć lět pozdźišo spožčichu jemu Oscar za najlěpšeho předstajerja pódlanskeje róle. Pućowar mjez kontinentomaj wobsedźi němski a ameriski pas.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND