Njewotwisnosć město lubosće woliła

srjeda, 28. awgusta 2019
artikl hódnoćić
(0 )
Dr. Jan Grólmus, kiž je w Lipsku katolsku byrgarsku šulu nawjedował, mandźelska Karoline, pochadźaca z Čorneho lěsa, a dźowce Marja (nalěwo) a Cecilija Dr. Jan Grólmus, kiž je w Lipsku katolsku byrgarsku šulu nawjedował, mandźelska Karoline, pochadźaca z Čorneho lěsa, a dźowce Marja (nalěwo) a Cecilija

Nowe aspekty žiwjenja Marje Grólmusec wotkryte

Kajka žona dr. Marja Grólmusec (1896– 1944) poprawom bě? Nowy wid na hižo jako „antifašistisku wojowarku“, „křesćansku martrarku“ abo „serbsku patriotku“ počesćenu žonu je historikarka dr. Birgit Sack na njedawnym sympo­ziju składnostnje 75. posmjertnin Ra­dworčanki posrědkować spytała. „Nic naposledk datych žórłow dla zhladujemy na Marju Grólmusec wosebje w zwisku z kóncom jeje žiwjenja, z poslednim njeswobodnym žiwjenskim lětdźesatkom“, zwěsća historikarka. Wona zaběraše so wot lěta 1995 do 1997 na Serbskim instituće z dźowku Radworskeho Serba, kotraž bě w Lipšćanskim katolsko-byrgarskim miljeju wotrostła a je 6. awgusta 1944 w kaceće Ravensbrücku zahinyła. W lěće 2008 wotkry Birgit Sack listowanje mjez Grólmusec a Hermannom Kopfom, štož zmóžni jej dohlad do młodych lět a priwatneho žiwjenja Grólmusec. A hlej: Wona bě so wědomje přećiwo lubosći a za žónsku njewotwisnosć rozsudźiła.

wozjewjene w: Kultura

Galerija

dalši wobraz (1) Tónle wobraz wo sebi je Marja Grólmusec jako pohladnicu 1921 z Radworja přećelce pósłała, gratulujo jej k porodej synka. W zbožopřeću jej němsce pisa, „Tule widźiš mje w kruhu mojich dźěći (...) Twoja Marka“. Foto: Serbski kulturny archiw
Prošu přizjewće so, chceće-li komentar podać

Serbska debata

nowostki LND