Šwedski metal a čěski kabaret při skale

wutora, 03. septembera 2019
artikl hódnoćić
(0 )
Hudźbny festiwal Nukstock je minjeny kónc tydźenja wjace hač 500 ludźi k Nukničanskej skale přiwabił.  Foto: Feliks Haza Hudźbny festiwal Nukstock je minjeny kónc tydźenja wjace hač 500 ludźi k Nukničanskej skale přiwabił. Foto: Feliks Haza

Nuknica (SN/bn). Łuka při Nukničanskej skale tworješe tež w 21. lěće znowa jewišćo za hudźbny festiwal pod hołym njebjom Nukstock. Dohromady něhdźe 550 wopytowarjow dožiwi minjeny kónc tydźenja dźesać skupin. Pjatk zahaji młoda kapała Khaos z Ulma swjedźeń z połhodźinskim programom, wopřijacym death a black metal kaž z dźěćatstwa wobeju žanrow. Lipšćenjo Bitchhammer pěstuja podobnu měšeńcu, ke kotrejž pak často pomałše fasety dooma přidadźa. Occulta z Berlina předstajichu so čornoběli šminkowani. Wo kontrast postarachu so První Hože z Jičína. Hudźbnicy zahorichu z njewšědnej performancu něhdźe mjez jazzom, punkom a kabaretom w šaće tak mjenowaneho progressive rocka.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND