„Prjedy hač woteńdźeš“ w Zhorjelskej cyrkwi

pjatk, 20. septembera 2019
artikl hódnoćić
(0 )
Róža Domašcyna je wčera w Zhorjelskej cyrkwi Našeje knjenje wotrězki z knihi „Prjedy hač woteńdźeš“ čitała.  Foto: SN/Maćij Bulank Róža Domašcyna je wčera w Zhorjelskej cyrkwi Našeje knjenje wotrězki z knihi „Prjedy hač woteńdźeš“ čitała. Foto: SN/Maćij Bulank

Zhorjelc (SN/CoR). Wosebitej serbskej temje wěnowane zarjadowanje wotmě so wčera wječor we wobłuku 5. Zhorjelskeho fotoweho festiwala „Městna podawkow“. Zapřijate do festiwala je wustajeńca fotografa Serbskich Nowin Maćija Bulanka „Prjedy hač woteńdźeš“. Jeho portrety wšědnych nošerkow serbskeje drasty – nastate w lětach wot 1985 do 2010 – su tuchwilu widźeć w dwórnišću kaž tež w cyrkwi Našeje knjenje w Zhorjelcu. Tam bě wčera něhdźe 20 zajimcow, přede­wšěm fanow fotografije, přišło na čitanje a rozmołwu z fotografom a basnicu Róžu Domašcynej. Organist cyrkwje wobrubi zarjadowanje na zakładźe hudźby Měrćina Weclicha z CD, z kotrejž je Ludowe nakładnistwo Domowina w lěće 2011 wušłeje knihi k portretam wudospołniło. Z podobnymi hudźbnymi meditacijemi su do toho hižo někotre razy připołdnju do wustajeńcy w cyrkwi wabili.

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND