Kulturny konwent wčera na 25. róčnicu załoženja zhladował
Zhorjelc (SN/CoR). Na mały jubilej 25. róčnicy załoženja je wčera Kulturny konwent kulturneho ruma Hornja Łužica-Delnja Šleska na swojim dohromady 114. posedźenju w Zhorjelskim Kulturno-historiskim muzeju dopominał. Čłonojo su sej na „dalše dobre zhromadne dźěło“ připili a so nad małym dźaknym darikom za skutkowanje – knihu Jürgena Maćija „Wuměłcy w Hornjej Łužicy 2“ a Połčničanskim poprjancom z napismom jubileja – zwjeselili.