Imageowy film da Silbermannowe pišćele zaklinčeć

pjatk, 10. januara 2020
artikl hódnoćić
(0 )
Štóž chce zaćišć dóstać, kak to klinči, hdyž Chróstawski cyrkwinski hudźbnik Lucas Pohle  na tamnišich Silbermannowych pišćelach hraje, njech sej imageowy film Rajnera Nagela na internetnej stronje wosady wobhlada.  Foto: z filma Rainera Nagela Štóž chce zaćišć dóstać, kak to klinči, hdyž Chróstawski cyrkwinski hudźbnik Lucas Pohle na tamnišich Silbermannowych pišćelach hraje, njech sej imageowy film Rajnera Nagela na internetnej stronje wosady wobhlada. Foto: z filma Rainera Nagela

Z nowej internetnej stronu njeinformuje Chróstawska ewangelsko-lutherska wosada zajimcow wotnětka jenož wobšěrnje wo swojim hudźbnym pokładźe, wo 1732 twarjenych pišćelach Gott­frieda Silbermanna. Imageowy film, kotryž je Serb Rajner Nagel zhotowił, da barokny instrument tež zaklinčeć.

Chróstawa (SN/CoR). „Naša internetna strona bě mjeztym 20 lět, zastarska a hižo njeatraktiwna. Bě tuž trjeba cyłe internetne předstajenje wobnowić, štož je so nam skónčnje dźakowaneho spěchowanju přez Leaderowy program zešlach­ćiło“, wjeseli so Chróstawski cyrkwinski hudźbnik Lucas Pohle. „Fachowcy su nam poručili, nimo strózbych informa­cijow z imageowym filmom za Silbermannowe pišćele wabić, je zaklinčeć dać a takrjec apetit wuwabić, je woprawdźe dožiwić.“ Wupisanje zhotowjenja filma doby z Radworja pochadźacy Rajner Nagel­ ze swojej firmu „ostwärts-film“. „To nas wězo wosebje zwjesela, wšako bydli wón njedaloko cyrkwje w Chróstawje. Bě to woprawdźe rjane zhromadne dźěło“, podšmórny mjeztym dźesać lět we wosadźe skutkowacy Pohle. Něhdźe wosom mjeńšin dołhi wabjenski film je.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND