Intensiwne kónčne proby za ptači kwas zahajene

srjeda, 15. januara 2020
artikl hódnoćić
(0 )
Nimo orchestra a chóra tež rejwarjo SLA pilnje zwučuja, zo by so ptačokwasny program poradźił.  Foto: Maćij Bulank Nimo orchestra a chóra tež rejwarjo SLA pilnje zwučuja, zo by so ptačokwasny program poradźił. Foto: Maćij Bulank

Budyšin (SN/JaW). 34 předstajenjow pta­če­ho kwasa – 22 za dźěći a dwanaće za dorosćenych – Serbski ludowy ansambl lětsa w Hornjej a Delnjej Łužicy planuje. To zdźěli wčera jeho intendantka Judith Kubicec žurnalistam w Budyšinje.

Za dźěćace předstajenje „Zabyty ptači kwas“ je Jěwa-Marja Čornakec libreto spisała. „Hudźbu stworiła je Conny Wolf, kotruž móžachmy prěni raz za to zdobyć“, rjekny Judith Kubicec. Režiju změje Hauke Tesch. „Mamy štyri rěčne warianty přihotowane“, praji Jěwa-Marja Čor­nakec. Nastupajo předstajenja w Delnjej Łužicy su so z Choćebuskej wotnožku Rěč­neho centrumaj WITAJ dorozumili, zo měła kóžda wosoba jednu rěč wu­ži­wać a mjez rěčemi njeskakać. Dźěćacy ptači kwas jedna wo jěžiku, kotryž njemóže so na ptačim kwasu wobdźělić, dokelž­ ma zymski spar dźeržeć. Kak so jemu tola zešlachći kwas sobu swjećić, to zhonja dźěći na předstajenju.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND