Jubilejny koparski turněr ze zapozdźenjom

pjatk, 11. junija 2021
artikl hódnoćić
(0 )
Němska koparska wubranka přihotuje so na europske koparske mišterstwa, kotrež mustwje Italskeje a Turkowskeje dźensa zahajitej. Foto: pa/Markus Gilliar Němska koparska wubranka přihotuje so na europske koparske mišterstwa, kotrež mustwje Italskeje a Turkowskeje dźensa zahajitej. Foto: pa/Markus Gilliar

Rom/Berlin (dpa/SN/bn). Narodnej koparskej mustwje Italskeje a Turkowskeje zahajitej dźensa w Romskim Olympiskim stadionje 16. europske mišterstwa (EM). Jubilejny turněr – prěnju EM běchu 1960 wuhrali – wuhotuja we wjacorych městach cyłeho kontinenta. Nimo italskeje stolicy su to Amsterdam, Baku, Budapest, Bukarest, Glasgow, Kopenhagen, Mnichow, Sevilla a Pětrohród. Finale budźe 11. julija w Londonskim Wembley-stadionje. Dohromady 24 cyłkow wubědźuje so w sydom skupinach wo kwalifikaciju za k.o.-koło. Faworića na EM-pokal su po sudźenju ekspertow wubranki Italskeje, Belgiskeje a Francoskeje, zakitowar titula je Portugal. Sewjerna Makedonska a Finska debitujetej na najwjetšim jewišću mjezynarodneje europskeje kopańcy.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND