Hilbert w chodźenju njewočakowano slěbro dobył

pjatk, 06. awgusta 2021
artikl hódnoćić
(0 )
Jonathan Hilbert je w chodźenju slěbornu medalju dobył.  Foto: pa/Laci Perenyi Jonathan Hilbert je w chodźenju slěbornu medalju dobył. Foto: pa/Laci Perenyi

Tokio (kh/SN). Jonathan Hilbert je w nocy na dźensniši pjatk w chodźenju na distancy 50 km njewočakowano slěbro dobył a tak po 29 lětach prěnju medalju za němskich chodźerjow dobył. 26lětny ­atlet sportoweho towarstwa LG Ohra doběža w Sapporu w 3:50:44 hodź za Polakom Dawidom Tomalu (3:50:08) do cila. Bronzu wubědźi sej Evan Dunfee z Kanady (3:50:59).

W kajaku staj rutinjejej Max Hoff a youngster Jacob Schopf na dwanatym wubědźowanskim dnju w Sea Forest Waterwayju wočakowanu olympisku medalju dobyłoj. Při ekstremnje wysokich temperaturach a napřećiwnym wětřiku móžeštaj so 38lětny Hoff a 16 lět młódši Schopf na swój kónčny spurt spušćić a w finalu wo dobyće sobu wojować. Na kóncu pobrachowaše jimaj mjenje hač poł sekundy k złotu. Awstralska dwójka Jean van der Westhuyzen/Thomas Green triumfowaše, a bronza dźěše na Josefa Dostála a Radeka Šloufa z Čěskeje.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND