W razantnym serbskim derbyju na kóncu podleželi

wutora, 12. apryla 2022
artikl hódnoćić
(0 )
Bul bě w Njebjelčicach zdźěla tak spěšnje po puću, zo zhubichu jón někotři hrajerjo z wočow.  Foto: Konstantin Hrjehor Bul bě w Njebjelčicach zdźěla tak spěšnje po puću, zo zhubichu jón někotři hrajerjo z wočow. Foto: Konstantin Hrjehor

SJ Njebjelčicy –

ST 1922 Radwor 1:2 (0:0)

Zestawa domjacych: Hahn – Reineke, Kral, Hrjehor, Šołta (85. Šmit), Matješk, Pawlik, F. Domš, Čornak (45. Malaškin), O. Domš, Korjeńk

zestawa hosći: Grenzemann – Reineke, Šěrak, Schulze, Nuk, Wróbl (90. Hetaš), Wjacławk (63. Šnajder), Jendrewski, Glück­lich (10.Wjeńka), Paška, Pječak

Po pjeć měsacach přestawki bě so skónčnje zaso koparski bój wo dypki na do­mjacym trawniku w Njebjelčicach wotměł. A to hnydom přećiwo načo­l­nikej wokrjesneje ligi, stafle 2. Njebjelčenjo běchu so dosć derje na kompaktnu a ćělnje wužadacu hru přećiwnika při­hotowali, wšako běchu to w zašłymaj partijomaj na Radworskim trawniku nazhonili. Nažel pak dyrbješe so trenarska dwójka Handrij Krawčik/Daniel Ričel třoch stajnych hrajerjow zranjenja abo chorosće dla krótkodobnje wzdać. Ći, kotřiž­ buchu zasadźeni, pak přiwzachu hoberske wužadanje a pokazachu tak po dołhim času zaso jónu wuběrny wukon. Tak by na kóncu wuwojowany dypk na swójskim konće stać móhł, jeli njeby jědnatka w poslednjej mjeńšinje tuteje dosć fairneje partije wšitko rozsudźiła.

wozjewjene w: Sport
Prošu přizjewće so, chceće-li komentar podać

Serbska debata

nowostki LND