Špatnje hralia tola dobyli

štwórtk, 02. junija 2022
artikl hódnoćić
(0 )
Clemens Bejmak (ležo, Ralbicy) je tež w hrě přećiwo hosćom z Lubuša zaso wšitko dał, zo njebychu nadběhi hosći wrota wrotarja Jurja Bjeńša docpěli. Po špatnej hrě wobeju cyłkow pak móžachu so Ralbičanscy Sokoljo naposledk tola hišće jasnje z 3:0 přesadźić. Foto: Konstantin Hrjehor Clemens Bejmak (ležo, Ralbicy) je tež w hrě přećiwo hosćom z Lubuša zaso wšitko dał, zo njebychu nadběhi hosći wrota wrotarja Jurja Bjeńša docpěli. Po špatnej hrě wobeju cyłkow pak móžachu so Ralbičanscy Sokoljo naposledk tola hišće jasnje z 3:0 přesadźić. Foto: Konstantin Hrjehor

Sokoł Ralbicy/Hórki II –

HZ Wětnica/Hola/Lubuš II 3:0 (0:0)

Zestawa domjacych: J. Bjeńš – Kobalc, ­Ch. Gloxyn, Schultz, C. Bejmak, Šołta, M. Matka, Nuk, Lešawa, M. Kurjat, Zimmermann (46. F. Bejmak)

Rezerwa Sokoła měješe njedźelu připołdnju poprawom lochki nadawk w domjacym stadionje zmištrować. W prěnjej połseriji dobychu we Wětnicy/Holi mjenujcy lochce z 5:1 a běchu tež hladajo na tabulku wulki faworit na domjace dobyće. Tola delanscy bulkoparjo pokazachu najšpatniši wukon sezony a mějachu swoju lubu nuzu, zo na kóncu tola z 3:0 dobychu.

W prěnim połčasu drje tłóčachu chowancy kapitana Markusa Kobalca wo­sebje w prěnich 20 mjeńšinach jenož na jedne wrota. Tola wšitke pospyty zlečachu z wjetšeho dźěla pódla abo wyše wrotow do wotkopa. Hosćo běchu hdys a hdys přez kontery strašni, tola před wrotami přesłabi. Tak dźěše z bjezwro­towym remisom do kabiny.

wozjewjene w: Sport
Prošu přizjewće so, chceće-li komentar podać

Serbska debata

nowostki LND