Swój cil, doma dypkować, docpěli

wutora, 14. junija 2022
artikl hódnoćić
(0 )
Michał Młynk (prědku při bulu, Chrósćicy) je sej po nawróće z Rakečanskeho ST k SJ Chrósćicy hnydom poziciju stajneho hrajerja nadźěłał. Rodźeny Hórčan je w krajnej klasy w rjadach Chróšćanow ze štworymi wrotami třeći najlěpši třělc. Jan Bogusz je hižo třinaće razow trjechił, Paul Šnajder pjeć króć.  Foto: Jörg Stephan Michał Młynk (prědku při bulu, Chrósćicy) je sej po nawróće z Rakečanskeho ST k SJ Chrósćicy hnydom poziciju stajneho hrajerja nadźěłał. Rodźeny Hórčan je w krajnej klasy w rjadach Chróšćanow ze štworymi wrotami třeći najlěpši třělc. Jan Bogusz je hižo třinaće razow trjechił, Paul Šnajder pjeć króć. Foto: Jörg Stephan

SJ Chrósćicy – ST Ćisk 1:0 (1:0)

Zestawa: Králíček – Matješk, Sentiwan, Runt, L. Zahrodnik, Młynk (85. Zynda), Hawš, M. Zahrodnik, G. Zahrodnik (75. C. Handrik), Bogusz, Krawc (44. Mützner)

Předwčerawšim přichwata něhdźe 100 na kopańcy zajimowanych na hru krajneje klasy Chróšćanskeje SJ přećiwo mustwu z Ćiska. Hosćo steja a stejachu na poslednim městnje tabulki.

Tuž bě cil za mustwo trenarja Pavela Runta jasny. Tři dypki dyrbja w Chrósćicach wostać. Domjacy pak špatnje do hry startowachu. Prěnju dobru šansu mějachu hosćo, tola Petr Králíček bul wotwobara a tak zažnemu zastatkej zadźěwa. Chróšćenjo tak prawje do hry njenamakachu. Woni njemóžachu swoju ofensiwu wokoło Jana Bogusza přećiwo hłuboko stejacemu škitej Ćišćanskich hosći prawje zasadźić. Po dwaceći mjeńšinach přesadźi so Franc Matješk na lěwym křidle. Tola jeho flanku njemóžeše Gabriel Zahrodnik přetworić.

wozjewjene w: Sport
Prošu přizjewće so, chceće-li komentar podać

Serbska debata

nowostki LND