Pytaja podpěraćelow za wjerćenje wabjenskich trailerow

Chrósćicy (SN/MiR). Na lětušim mjezynarodnym folklornym festiwalu „Łužica“ maja so krótke filmowe sekwency nawjerćeć. Wobsah tutych natočenjow w Chrósćicach budu předewšěm podawki zwonka aktiwitow na jewišćach a před nimi. Wo tute nahrawanja postara so Berlinski filmowc Clemens Jurk. Wón budźe z trutu, kotraž chowa w sebi wysoko rozpušćacu kameru, nad swjedźenišćom festiwala zajimawe a putace motiwy zapopadnyć. Domowina, kotraž je nadawk za to posrědkowała, chce, zo so krótkofilmy za archiw nawjerća. Tak hodźa so husto inspirěrowace a přewšo žiwe dohlady do wotběha festiwala přichodnje za wšelke wabjenske akcije a podobne wužiwać. Ze składowanjom njetřihaneho filmoweho materiala, tež footaga mjenowany, Domowina jako nadawkidawar do přichoda mysli, hdyž chce přichodnje za serbske zarjadowanja a wjerški wabić.