Schrift vergrößern
Čłonki a čłonojo skupiny Pehuén wěnowachu so po přikładźe ludu Mapuche kulturnym stawiznam a aktualnym wužadanjam, kaž na přikład zwiskej mjez urbanizaciju a gentrifikaciju, indigenych ludow w Chile.
Zjawny kulturny forum we wobłuku mjezynarodneho folklorneho festiwala „Łužica“ ma předewšěm wobdźělenym wuměłcam a organizatoram jako platforma wuměny słužić, zo bychu so mjez sobu lěpje zeznali a swoje stawizny, tradicije a charakteristika zbližili. Kaž na minjenych festiwalach stejachu tež lětsa w Chróšćanskej wjacezaměrowej hali „Jednota“ mjeńšinowe aspekty wosebje w fokusu.
Dohromady něhdźe 50 wobdźělnikow, mjez kotrymiž běchu tójšto młodych zajimcow, je prezentacijam sćěhowało. Bojan Benić
Zastupjerki kubłanišća Viljandi Gümnaasiumi předstajichu nimo bohateje ludoweje spěwanskeje a rejowanskeje kultury tež kulinariske charakteristika Estiskeje.
