Pjeć hodźin dźiwadła nonstop ze stami sobuskutkowacych poručenje

wutora, 26. měrca 2024
artikl hódnoćić
(1 )
„Radoraj“ rěka nowa inscenacija Serbskeho dźěćaceho dźiwadła, kotruž we wobłuku 23. swětoweho dnja šulerskeho dźiwadła premjernje předstajichu. Originalny tekst Edeltraud Amiry bě Dorothea Šołćina přełožiła, režiju wukonješe nawodnica cyłka Petra-Marija Bulankec-Wencelowa. Foto: Mirosław Nowotny „Radoraj“ rěka nowa inscenacija Serbskeho dźěćaceho dźiwadła, kotruž we wobłuku 23. swětoweho dnja šulerskeho dźiwadła premjernje předstajichu. Originalny tekst Edeltraud Amiry bě Dorothea Šołćina přełožiła, režiju wukonješe nawodnica cyłka Petra-Marija Bulankec-Wencelowa. Foto: Mirosław Nowotny

Budyšin (SN/bn). „3 000 přihladowarjow, něhdźe 700 sobuskutkowacych, 28 předstajenjow, 10 hrajnišćow, pjedź hodźin nonstop – to tu wšědnje njedožiwjamy“, zjima Madleńka Šołćic z hosćićelskeho Němsko-Serbskeho ludoweho dźiwadła wčerawši 23. swětowy dźeń šulerskeho dźiwadła w Budyšinje. Předewšěm dźakowaše so „staršim, wučerjam a kubłarjam, kotřiž dźěći pohnuwaja hrać, spěwać, rejować a filmować. Tak spěchuja talenty, kotrež dźeń połny energije a temperamenta, kajkiž smy dźensa dožiwili, hakle zmóžnjeja“. Nimo toho dźakowaše so dźiwadłowej pedagogowce Véronique Weber-Karpinskej, kotraž je zarjadowanje „runja žonlerce hłownje organizowała a koordinowała“. Nimo wšitkich jewišćow a baletownje NSLDź wotměchu so předstajenja na žurli Serbskeho ludoweho ansambla, w awlomaj Powołanskošulskeho centruma Budyšin (BSZ) a Serbskeje wyšeje šule Budyšin kaž tež w Budyskim socio-dźiwadłowym centrumje Thespis.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND