Kaž Beatlesy a Czerwone gitary

srjeda, 03. apryla 2024
artikl hódnoćić
(0 )
Tomasz Nawka, Měrko Šołta a Alojs Nawka (wotlěwa) zaspěwachu na Kofeju w třoch někotre ze swojich starych hitow.  Foto: Carmen Schumann Tomasz Nawka, Měrko Šołta a Alojs Nawka (wotlěwa) zaspěwachu na Kofeju w třoch někotre ze swojich starych hitow. Foto: Carmen Schumann

Kofej w třoch cyle w znamjenju hudźby před poł lětstotkom

Budyšin (CRM/SN). Hdyž zliči Serbski muzej na zarjadowanju Kofej w třoch wjace hač dwaceći hosći, swědči to wo nadměrnym zajimje. W tydźenju do jutrow poskićichu z aktualneje přičiny bywši Hercy wólnu bjesadu, na kotruž běchu wosebje ći přišli, kotřiž běchu před něhdźe poł lětstotkom wulki čas Beatlesow a dalšich skupin dožiwili. Budyscy młodostni, kuzenkojo Alojs, Maćij, Tomasz Nawka a Měrko Šołta, w 1960tych lětach swój zaměr z elanom zwoprawdźichu, serbsku rejwansku a/abo wólno­časnu hudźbnu skupinu załožić, a to po tehdy načasnym přikładźe. Młodźi ludźo a dalši zahorjeni słuchachu tehdy w šěrokej měrje (w NDR njedowolene) Radio Luxemburg a dalše zapadne sćelaki, ­wosebje aktualnych jendźelskich a dalšich pěstowarjow beatoweho žanra dla. W słowjanskej Pólskej žnějachu Czerwone gitary wosebitu euforiju.

Na nastork kulturnika Jurja Winarja pomjenowa so prěnja serbska band, kotraž měješe bórze kultowy status, Hercy, štož bě politisce mudry rozsud.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND