Španiska je štwórty króć europski koparski mišter. W finalu přesadźi so wubranka trenarja Luisa de la Fuente 2:1 přećiwo Jendźelskej. Nico Williams docpě nawjedowanje za španiski cyłk w Berlinskim olympiskim stadionje (47.) a Cole Palmer wuruna 1:1 (73.). Wo rozsud postara so zaměnjeny Mikel Oyarzabal (86.). Hižo 1964, 2008 a 2012 bě Španiska EM-titul dobyła a je nětko rekordny europski mišter před Němskej. Jendźelska porno tomu bě hižo před třomi lětami dramatisce w finalu EM na Italskej zwrěšćiła.