Prěni raz přewjedźechu wučerjo a šulerjo Worklečanskeje zakładneje a wyšeje šule w lěsu mjez Worklecami a Hornim Hajnkom „Hórnikowy běh“. Sportowy wučer wyšeje šule Křesćan Bejmak bě běh w přirodźe zhromadnje ze swojim kolegu Sćěpanom Wjeńku zarjadował. Start bě dopołdnja w lěsu při Lilijowym haće. Tam běžachu najprjedy šulerki a šulerjo 1. a 2. lětnika zakładneje šule 500 metrow po lěsu, štož bě poł koła. Chowancy 3. do 6. lětnika wubědźowachu so na jednym kole (1 000 m), ći ze 7. a 8. lětnika dyrbjachu dwě kole běžeć (2 000 m) a dźewjatki samo tři koła (3 000 m). 10. lětnik so pruwowanjow dla njewobdźěli. Do starta předwjeselo a napjatosć přiběraštej, mjeztym zo běchu sportowcy a wosebje wězo dobyćerjo po běhu wolóženi. Tež wjedro bě za tónle premjerny běh wulkotne. Hišće w lěsu dósta kóždy wobdźělnik po běhu napoj a na kóncu buchu z kóždeho lětnika třo najlěpši mytowani. Za to běchu šulerjo wyšeje šule z drjewa rjane medalje zhotowili.

Wulki dźak słuša hłownymaj organizatoromaj běha kaž tež wšitkim pomocnikam za wulkotne poradźenje. Jurij Bjeńš

Wuslědki:

1. lětnik:

1. Finjo Hellner

2. Henry Herrmann