Po wosom lětach w krajnej klasy absolwowachu koparjo SJ Chrósćicy sezonu 2024/25 zaso we wokrjesnej wyšej lize. Mjez cyłkownje 16 cyłkami zaměstnichu so hrajerjo trenarja Filipa Marka na kóncu w srjedźnym polu na dźewjatym městnje.

W cyłkownje 30 partijach wudobychu sej Chróšćenjo 38 dypkow. Ličba dobyćow, remisow a poražkow běše při tym nimale wurunana. Runje tak kaž wrotowy poměr wot 43 : 47. Po połseriji wotćahnychu sportowej jednotce tři dypki, dokelž njebě žadanu ličbu sudnikow spjelniła. Bjez tutoho chłostanja bychu Módro-běłych Kulow w tabulce přesćahnyli a wosme městno wobsadźili.

Start do sezony za prěnje koparske mustwo SJ Chrósćicy běše dobry. Na třećim a pjatym hrajnym dnju docpěchu woni najlěpšu poziciju w tabulce z šestym městnom. Na to slědujo hibaše so cyłk stajnje mjez městnomaj dźewjeć a sydom. Hladajo na domjacu a wonkownu tabulku Chróšćenjo na swójskim trawniku, z šestym městnom a pozitiwnym wrotowym poměrom, lěpje hrajachu hač w cuzbje. We wonkownej tabulce docpěchu dźesate městno a mějachu jasnje negatiwny wrotowy poměr.