Budyšin (SN/bn). „Hudźba na Goethowu struchłohru Egmont“ Ludwiga van Beethovena tworješe wčera poradźeny finale 3. sinfoniskeho koncerta Serbskeho ludoweho ansambla (SLA). Pod nawodom Katha­riny Dickopf zahori Serbska komorna filharmonija na hłownym jewišću Němsko-Serbskeho ludoweho dźiwadła něhdźe 300 wopytowarjow z dynamiskej interpretaciju twórby, kotraž komponistow a kompo­nistki do dźensnišeho wobwliwuje. Hóstna solosopranistka Yvonne Prentki zmištrowa naročne koloratury runje tak suwerenje kaž rěčnik Pětr Cyž melodramatiski pledoajej za swobodu do „Sinfonije dobyća“, kotraž kruch zakónči.